بھارتی فلم ’دھریندر‘ میں مرکزی کردار نبھانے والے ’رنویر سنگھ‘ کا تعلق بھی کراچی سے نکل آیا

رنویر سنگھ کا کراچی سے تعلق

کراچی (ویب ڈیسک) حال ہی میں ریلیز ہونے والی پاکستان مخالف فلم "دھریندر" میں مرکزی کردار نبھانے والے رنویر سنگھ سے متعلق چونکا دینے والا انکشاف سامنے آیا ہے کہ اداکار کے آباؤ اجداد کا تعلق بھی کراچی سے تھا۔

یہ بھی پڑھیں: چیچہ وطنی میں بیوی کے تشدد سے شوہر جاں بحق، حیران کن انکشاف

"دھریندر" میں کردار

بھارتی چینل این ڈی ٹی وی کی رپورٹ کے مطابق اس فلم میں رنویر سنگھ نے ایک بھارتی خفیہ ایجنٹ جسکریت سنگھ رنگی کا کردار نبھایا ہے جو دہشتگردی کے خلاف کارروائی کے لیے کراچی کے علاقے لیاری پہنچتا ہے۔

یہ بھی پڑھیں: چپ کر کے بہاولپور چلے جاؤ نوکری دی چس آ جائیگی میں نے رخت سفر باندھا، شاہ کا مصاحب تو بنا مگر صد شکر اترانے سے اللہ نے بچائے رکھا

کراچی کی کہانی

فلم میں یہ کردار روزگار کی تلاش میں آنے والے ایک بلوچ کے روپ میں کراچی داخل ہوتا ہے، اسی لیے رنویر سنگھ آج کل سوشل میڈیا سمیت بھارتی میڈیا پر موضوعِ بحث ہیں۔

یہ بھی پڑھیں: جڑانوالہ میں نئی دلہن کی موت: ‘دس سالہ بھانجے کی گولی، اور الزام ٹک ٹاک پر عائد’

رنویر سنگھ کی تاریخی پس منظر

رپورٹ کے مطابق حقیقی زندگی میں رنویر سنگھ کا تعلق ایک سندھی خاندان سے ہے، ان کا اصل نام رنویر سنگھ بھاونانی ہے اور ان کے والدین کا خاندان 1947 میں تقسیمِ ہند کے بعد کراچی سے ممبئی منتقل ہوا تھا۔

یہ بھی پڑھیں: وزیراعظم نے وفاقی وزراءکی ایوان میں غیر حاضری کا نوٹس لے لیا

ثقافت سے وابستگی

رنویر سنگھ کی سندھی ثقافت سے وابستگی ان کی ذاتی زندگی میں بھی نمایاں ہے، 2021 میں انہوں نے سوشل میڈیا پر اپنے پسندیدہ سندھی کھانوں جیسے سندھی کڑی، چاول اور بوندی کا ذکر کیا تھا۔

ثقافتی روایات کی پاسداری

یہاں یہ بات بھی قابلِ ذکر ہے کہ رنویر نے اپنی شادی پر اٹلی کے جھیل کومو میں سندھی روایات کے مطابق رسومات ادا کرکے اپنی ثقافتی بنیاد کو خراج تحسین پیش کیا تھا。