کراچی میں بونداباندی، لاہور سمیت مختلف شہروں میں بارش کی پیشگوئی

محکمہ موسمیات کی پیشگوئی

لاہور (ڈیلی پاکستان آن لائن) محکمہ موسمیات نے کراچی میں بونداباندی اور لاہور سمیت مختلف شہروں میں بارش کی پیشگوئی کردی۔

یہ بھی پڑھیں: لاہور پولو کلب کے زیراہتمام پیٹرینز ایبک پولو کپ 2024ء میں دو اہم مقابلے

لاہور میں بارش کی توقع

نجی ٹی وی چینل دنیا نیوز کے مطابق محکمہ موسمیات نے لاہور میں 21 اور 22 دسمبر کو ہلکی بارش کی پیشگوئی کی ہے جس سے شہر میں سردی کی نئی لہر متوقع ہے۔

یہ بھی پڑھیں: اب سمجھ آ رہی تھی کہ روزانہ رات کو زار و قطار روتے ہوئے کیوں اسکی یاد رہ رہ کر آ رہی تھی، کیوں اسے خط لکھ کر اپنا دل ہلکا کیا کرتا تھا اور صبح اْٹھ پھاڑ دیتا تھا

کراچی میں موسم کی صورتحال

محکمہ موسمیات کے مطابق کراچی میں آئندہ ایک سے دو روز تک سردی کی شدت کم رہے گی۔ اس دوران موسم جزوی سے مکمل ابرآلود رہنے کے ساتھ بونداباندی متوقع ہے، شہر میں موجودہ موسم سرد اور خشک ہے۔

یہ بھی پڑھیں: ملک بھر کے بجلی صارفین کے لیے بڑی خوشخبری، اربوں روپے کا ریلیف ملنے کا امکان

مغربی ہواؤں کا سلسلہ

محکمہ موسمیات نے بتایا کہ آج مغربی ہواؤں کا سلسلہ بلوچستان میں داخل ہو گا، جس کی وجہ سے کوئٹہ سمیت دیگر شہروں میں سرد ہوائیں چلنے کے نتیجے میں کراچی میں سردی کی شدت میں اضافے کا امکان ہے۔

پی ڈی ایم اے کی اطلاعات

پی ڈی ایم اے کے مطابق 19 سے 20 دسمبر کے درمیان مغربی ہواؤں کا سلسلہ بلوچستان میں داخل ہو گا، جس کے باعث کئی اضلاع میں بارش اور پہاڑی علاقوں میں برفباری کا امکان ہے۔ برفباری سے پہاڑی علاقوں میں ٹریفک متاثر ہونے کا خدشہ ہے۔