گورنر خیبر پختونخوا کا سندس فاؤنڈیشن لاہور کا دورہ، زیر علاج مریض بچوں کی عیادت، تحائف تقسیم کیے

گورنر خیبر پختونخوا کا سندس فاؤنڈیشن کا دورہ

لاہور (ویب ڈیسک) گورنر خیبر پختونخوا فیصل کریم کنڈی نے سندس فاؤنڈیشن لاہور کا دورہ کیا۔ زیر علاج مریض بچوں کی عیادت کی اور ان میں تحائف تقسیم کیے۔

یہ بھی پڑھیں: حکومت کا ٹرینوں کے کرائے نہ بڑھانے کا فیصلہ

استقبال اور ملاقات

گورنر خیبرپختونخواہ کی آمد پر پیٹرن سندس فاؤنڈیشن سہیل وڑائچ، بانی و صدر محمد یاسین خان، ڈائریکٹر خالد عباس ڈار اور فاؤنڈیشن کی انتظامیہ نے ان کا پرتپاک استقبال کیا۔

یہ بھی پڑھیں: عدم اعتماد صرف میں لا سکتا، کامیاب کرانا بھی جانتا ہوں: صدر مملکت

بچوں کی عیادت

گورنر فیصل کریم کنڈی نے فاؤنڈیشن میں زیرِ علاج بچوں سے ملاقات کی، بچوں میں تحائف پیش کیے اور اُن کا حوصلہ بڑھایا۔ انہوں نے تھیلیسیمیا، ہیموفیلیا اور دیگر خون کی بیماریوں میں مبتلا مریضوں کے علاج کے لیے فراہم کی جانے والی طبی سہولیات کا بھی تفصیلی جائزہ لیا۔

یہ بھی پڑھیں: روسی صدر ولادی میر پیوٹن اور سعودی ولی عہد محمد بن سلمان میں ٹیلیفونک رابطہ

طبی خدمات کا جائزہ

میڈیکل ڈائریکٹر ڈاکٹر عدنان گیلانی نے گورنر کو فاؤنڈیشن کی طبی خدمات، جدید علاج کے طریقہ کار، جدید آلات اور مؤثر بلڈ مینجمنٹ سسٹم کے بارے میں تفصیلی بریفنگ دی۔ انہوں نے بتایا کہ سندس فاؤنڈیشن ملک بھر میں بارہ سنٹرز میں ہر ماہ ہزاروں مریضوں کو مفت خون اور علاج فراہم کرتی ہے۔

یہ بھی پڑھیں: فیصل آباد میں میاں بیوی کی لڑائی میں مبینہ طور پر اسٹیل کا گلاس لگنے سے بچی جاں بحق

جینیاتی اسکریننگ اور تحقیق

ڈاکٹر عدنان گیلانی نے مزید کہا کہ فاؤنڈیشن جینیاتی اسکریننگ اور تحقیق پر مبنی نئے پروگرامز پر بھی کام کر رہی ہے تاکہ موروثی خون کی بیماریوں کی جلد تشخیص اور روک تھام ممکن بنائی جا سکے۔ سندس فاؤنڈیشن کے پاس 12 ہزار سے زائد تھیلیسیا اور ہیموفیلیا کے مریض رجسٹرڈ ہیں جنہیں باقاعدگی سے علاج فراہم کیا جا رہا ہے۔

یہ بھی پڑھیں: وفاقی محتسب انسداد ہراسیت نے خاتون بینک منیجر کو ہراساں کرنے کے کیس کا فیصلہ سنا دیا

میڈیا سے گفتگو

گورنر نے میڈیا سے گفتگو کرتے ہوئے کہا کہ سندس فاؤنڈیشن کی فلاحی و طبی خدمات قابل تحسین ہیں۔ انہوں نے کہا کہ یہاں کا عملہ جس خلوص اور محبت سے مریضوں کی خدمت کر رہا ہے، وہ دل کو خوش کر دیتا ہے۔

یہ بھی پڑھیں: اداکارہ صحیفہ جبار نے بیرون ملک پاکستانیوں کو منافق قرار دے دیا

حکومت کی حمایت

فیصل کریم کنڈی نے کہا کہ حکومت خیبرپختونخواہ ہمیشہ ایسے فلاحی اداروں کی حوصلہ افزائی کرتی رہی ہے اور یقین دلایا کہ سندس فاؤنڈیشن کے ساتھ تعاون جاری رکھا جائے گا۔

یہ بھی پڑھیں: قرآن اخوت اور بھائی چارے کا درس دیتا ہے: اصغر مسعودی اور مقررین کا خانہ فرہنگ ایران لاہور میں امام خمینیؒ کی برسی پر سیمینار سے خطاب

شکریہ اور اعزاز

پیٹرن سہیل وڑائچ نے گورنر کا شکریہ ادا کیا اور کہا کہ ان کی توجہ سے فلاحی مشن کو مزید تقویت ملے گی۔ بانی محمد یاسین خان نے بھی شکریہ ادا کیا کہ حکومت کے تعاون سے مستحق مریضوں کو مزید بہتر طبی سہولیات فراہم کی جائیں گی۔