گورنر خیبر پختونخوا کا سندس فاؤنڈیشن لاہور کا دورہ، زیر علاج مریض بچوں کی عیادت، تحائف تقسیم کیے

گورنر خیبر پختونخوا کا سندس فاؤنڈیشن کا دورہ

لاہور (ویب ڈیسک) گورنر خیبر پختونخوا فیصل کریم کنڈی نے سندس فاؤنڈیشن لاہور کا دورہ کیا۔ زیر علاج مریض بچوں کی عیادت کی اور ان میں تحائف تقسیم کیے۔

یہ بھی پڑھیں: چیف جسٹس قاضی فائز عیسیٰ کو اکسائیں گے تو پھر ۔۔۔‘‘ نامزد چیف جسٹس یحییٰ آفرید ی کی بات پر ریفرنس کے دوران قہقہے لگ گئے

استقبال اور ملاقات

گورنر خیبرپختونخواہ کی آمد پر پیٹرن سندس فاؤنڈیشن سہیل وڑائچ، بانی و صدر محمد یاسین خان، ڈائریکٹر خالد عباس ڈار اور فاؤنڈیشن کی انتظامیہ نے ان کا پرتپاک استقبال کیا۔

یہ بھی پڑھیں: چینی صدر کا انسانیت کے مشترکہ اقدار کے فروغ پر زور

بچوں کی عیادت

گورنر فیصل کریم کنڈی نے فاؤنڈیشن میں زیرِ علاج بچوں سے ملاقات کی، بچوں میں تحائف پیش کیے اور اُن کا حوصلہ بڑھایا۔ انہوں نے تھیلیسیمیا، ہیموفیلیا اور دیگر خون کی بیماریوں میں مبتلا مریضوں کے علاج کے لیے فراہم کی جانے والی طبی سہولیات کا بھی تفصیلی جائزہ لیا۔

یہ بھی پڑھیں: اوہامہ کی سیکیورٹی پر تعینات خواتین اہلکار آپس میں لڑ پڑیں

طبی خدمات کا جائزہ

میڈیکل ڈائریکٹر ڈاکٹر عدنان گیلانی نے گورنر کو فاؤنڈیشن کی طبی خدمات، جدید علاج کے طریقہ کار، جدید آلات اور مؤثر بلڈ مینجمنٹ سسٹم کے بارے میں تفصیلی بریفنگ دی۔ انہوں نے بتایا کہ سندس فاؤنڈیشن ملک بھر میں بارہ سنٹرز میں ہر ماہ ہزاروں مریضوں کو مفت خون اور علاج فراہم کرتی ہے۔

یہ بھی پڑھیں: دنیا کے امیر ترین شخص نے ڈالر کے عالمی زوال کا اشارہ دے دیا

جینیاتی اسکریننگ اور تحقیق

ڈاکٹر عدنان گیلانی نے مزید کہا کہ فاؤنڈیشن جینیاتی اسکریننگ اور تحقیق پر مبنی نئے پروگرامز پر بھی کام کر رہی ہے تاکہ موروثی خون کی بیماریوں کی جلد تشخیص اور روک تھام ممکن بنائی جا سکے۔ سندس فاؤنڈیشن کے پاس 12 ہزار سے زائد تھیلیسیا اور ہیموفیلیا کے مریض رجسٹرڈ ہیں جنہیں باقاعدگی سے علاج فراہم کیا جا رہا ہے۔

یہ بھی پڑھیں: امریکہ کو 1917 کے بعد پہلی بار معاشی میدان میں بڑا جھٹکا، بنیادیں ہل کر رہ گئیں

میڈیا سے گفتگو

گورنر نے میڈیا سے گفتگو کرتے ہوئے کہا کہ سندس فاؤنڈیشن کی فلاحی و طبی خدمات قابل تحسین ہیں۔ انہوں نے کہا کہ یہاں کا عملہ جس خلوص اور محبت سے مریضوں کی خدمت کر رہا ہے، وہ دل کو خوش کر دیتا ہے۔

یہ بھی پڑھیں: بھارت نے بغیر اطلاع دریائے چناب میں پانی چھوڑ دیا، اکھنور میں سیلابی صورتحال

حکومت کی حمایت

فیصل کریم کنڈی نے کہا کہ حکومت خیبرپختونخواہ ہمیشہ ایسے فلاحی اداروں کی حوصلہ افزائی کرتی رہی ہے اور یقین دلایا کہ سندس فاؤنڈیشن کے ساتھ تعاون جاری رکھا جائے گا۔

یہ بھی پڑھیں: عفت عمر کا انڈسٹری میں کوئی دوست کیوں نہیں؟

شکریہ اور اعزاز

پیٹرن سہیل وڑائچ نے گورنر کا شکریہ ادا کیا اور کہا کہ ان کی توجہ سے فلاحی مشن کو مزید تقویت ملے گی۔ بانی محمد یاسین خان نے بھی شکریہ ادا کیا کہ حکومت کے تعاون سے مستحق مریضوں کو مزید بہتر طبی سہولیات فراہم کی جائیں گی۔