کراچی، سڑک پر سرے عام نازیبا حرکات کرنے والا ٹریفک پولیس انسپکٹر کا بیٹا گرفتار

نازیبا حرکات کرنے والے ملزم کی گرفتاری

کراچی(ڈیلی پاکستان آن لائن) سڑک پر سرے عام نازیبا حرکات کرنے والا ملزم قانون کی گرفت میں آگیا۔ گرفتار ملزم ٹریفک پولیس انسپکٹر کا بیٹا ہے، ملزم نے سرے عام نازیبا حرکات کرنے پر شہریوں اور پولیس سے معافی مانگ لی۔

یہ بھی پڑھیں: ایران کے ایٹم بم بنانے کے شواہد نہیں ملے، سربراہ آئی اے ای اے

گرفتاری کی تفصیلات

تفصیلات کے مطابق تیموریہ تھانے کی حدود میں سڑک پر سرے عام نازیبا حرکات کرنے والے ملزم کی ویڈیو سوشل میڈیا پر وائرل ہونے پر گلبرگ پولیس نے کارروائی کرتے ہوئے ملزم کو گرفتار کرلیا۔

یہ بھی پڑھیں: خیبرپختونخوا حکومت کا ضم اضلاع کیلئے 275 ملین ڈالرز قرض لینے کا انکشاف

ملزم کی شناخت اور قانونی کارروائی

ایس ایچ او گلبرگ زاہد لودھی کے مطابق گرفتار ملزم کی شناخت حمزہ ولد حیدر کے نام سے کی گئی، جو کہ ٹریفک پولیس انسپکٹر کا بیٹا ہے۔ انہوں نے بتایا کہ ویڈیو میں نظر آنے والی موٹر سائیکل بھی پولیس نے برآمد کر لی ہے، اور ملزم کے خلاف قانونی کارروائی عمل میں لائی جا رہی ہے۔

ملزم کا ویڈیو بیان

ادھر گرفتار ملزم کا ویڈیو بیان بھی سامنے آگیا۔ ملزم نے بتایا کہ وہ بی اے کا طالب علم ہے اور ویڈیو بیان میں ملزم نے شہریوں اور پولیس سے معافی مانگ لی۔