افغان ڈپٹی ہیڈ آف مشن کی دفتر خارجہ طلبی، خوارج کے حملے پر ڈی مارش دیا گیا

خوارج کے حملے کی کارروائی

اسلام آباد (ڈیلی پاکستان آن لائن) پاکستان نے افغان سرزمین سے ہونے والے خوارج کے حملے میں 4 پاکستانی فوجیوں کی شہادت کے بعد افغان ڈپٹی ہیڈ آف مشن کو دفتر خارجہ طلب کیا۔

یہ بھی پڑھیں: سیون جی اور دینارا ڈی سلوا نے ITF پاکستان جے 30 ٹینس چیمپئن شپ میں سنگلز ٹائٹل جیت لیے

دفتر خارجہ کا باضابطہ ردعمل

دفتر خارجہ کی جانب سے جاری بیان کے مطابق افغان ڈپٹی ہیڈ آف مشن کو باضابطہ طور پر دفتر خارجہ طلب کرکے ڈی مارش دیا گیا۔

یہ بھی پڑھیں: امریکا میں صدارتی انتخابات منگل کو ہی کیوں ہوتے ہیں؟

پاکستان کا مؤقف

''جیو نیوز'' کے مطابق، دفتر خارجہ کا کہنا ہے کہ افغان طالبان فتنہ الخوارج اور ٹی ٹی پی کی معاونت کر رہے ہیں۔ پاکستان نے افغانستان میں دہشت گردوں کو محفوظ پناہ گاہیں فراہم کرنے پر تشویش کا اظہار کیا ہے۔

دہشتگردی کے خلاف مطالبات

پاکستان نے افغان سرزمین سے دہشتگردی کے خلاف مکمل تحقیقات اور کارروائی کا مطالبہ کیا ہے۔ بیان میں کہا گیا کہ افغان طالبان کو تمام دہشتگرد گروہوں کے خلاف فوری اور قابل تصدیق اقدامات کرنے چاہییں۔ پاکستان اپنی خود مختاری کے دفاع کا حق محفوظ رکھتا ہے۔