کراچی ایک چھوٹا پاکستان ہے جو بڑے پاکستان کو پالتا ہے، خالد مقبول صدیقی

کراچی ورلڈ بک فیئر کی شروعات

کراچی(ڈیلی پاکستان آن لائن) وفاقی وزیر تعلیم و تربیت خالد مقبول صدیقی نے کہا ہے کہ کتب ہماری میراث ہے۔ کراچی ایک چھوٹا پاکستان ہے جو بڑے پاکستان کو پالتا ہے۔ یہ بات انہوں نے گزشتہ روز کراچی ایکسپو سینٹر میں جاری پانچ روزہ کراچی ورلڈ بک فیئر میں کہی ہے۔ وفاقی وزیر خالد مقبول صدیقی نے اپوزیشن لیڈر علی خورشیدی کے ہمراہ کراچی ورلڈ بک فیئر کا دورہ کیا۔

یہ بھی پڑھیں: وزیراعلیٰ مریم نواز کا بھارتی طیارہ گرنے سے 242 مسافروں کی ہلاکت پر دکھ اور افسوس کا اظہار

کتب کا فروغ اور اس کی اہمیت

انہوں نے میڈیا سے گفتگو کرتے ہوئے کہا کہ 20 سال سے دنیا کو بک فیئر کے ذریعے یہ رونق دکھائی جارہی ہے۔ کراچی ایک چھوٹا پاکستان ہے، اور اگر کراچی چلتا ہے تو پاکستان پلتا ہے۔ پاکستان ہمارا ہے، اسے بچانا ہماری ذمہ داری ہے۔ 17 سال سے قومی اتفاق رائے سے کراچی کے ساتھ جو سلوک کیا جارہا ہے، وہ آج شکست کھا گئے ہیں۔ کراچی ورلڈ بک فیئر میں آکر ایمان اور یقین تازہ ہوجاتا ہے۔

یہ بھی پڑھیں: عالمی ریٹنگ ایجنسی موڈیز نے پاکستان کی کریڈٹ ریٹنگ ایک درجہ بڑھادی

جماعت اسلامی کا موقف

جماعت اسلامی کراچی کے امیر منعم ظفر نے میڈیا سے گفتگو کے دوران کہا کہ اس کتب میلہ نے ثابت کردیا ہے کہ یہ شہر علم و کتب سے محبت کرنے والوں کا شہر ہے۔ کتاب سے دوستی کا کوئی نعم البدل نہیں ہے۔

یہ بھی پڑھیں: کینیڈا نے 13 ممالک کے شہریوں کے لیے ویزا کی شرط ختم کردی

کتب کی اہمیت اور ٹیکنالوجی

انہوں نے مزید کہا کہ ٹیکنالوجی کا استعمال ضروری ہے، تاہم اس کے باوجود کتب کی اہمیت کو نظر انداز نہیں کرسکتے۔ کتابیں فرد کی زندگی کی رہنمائی کرتی ہیں۔ اپوزیشن لیڈر علی خورشیدی کا کہنا تھا کہ جو لوگ یہ سمجھتے ہیں کہ آج کے دور میں کتب کی اہمیت ختم ہوگئی ہے، وہ کراچی ورلڈ بک فیئر آکر دیکھیں کہ آگاہی اور علم کے پیاسے آج بھی سیراب ہورہے ہیں۔

کتب سے محبت کا ثبوت

ان کا کہنا تھا کہ کراچی ورلڈ بک فیئر نے کتابوں سے محبت کا ثبوت دیا ہے، اور آج بھی یہ شہر کتابوں سے محبت کرتا ہے۔