انڈر ۱۹ ایشیا کپ میں جیت: شاہینوں نے پوری قوم کو خوش کر دیا: وزیر اعلیٰ مریم نواز

مریم نواز کی قومی کرکٹ ٹیم کو مبارکباد

لاہور (ڈیلی پاکستان آن لائن) وزیراعلیٰ پنجاب مریم نواز نے روایتی حریف بھارت کے خلاف انڈر 19 ایشیاء کپ فائنل جیتنے پر قومی کرکٹ ٹیم کو مبارکباد دی ہے۔

یہ بھی پڑھیں: مقبوضہ جموں و کشمیر کا مسئلہ حل کئے بغیر جنوبی ایشیا میں امن ممکن نہیں: صدر و وزیراعظم

شاندار فتح کا اندازہ

سمیر منہاس نے بہترین اننگز کھیل کر شاندار فتح میں اہم کردار ادا کیا۔ کاغذی شیروں کو عبرتناک شکست دے کر شاہینوں نے پوری قوم کو خوش کر دیا ہے۔ بھارت کو انڈر 19 ایشیاء کپ کے فائنل میں شکست دے کر پاکستانی کھلاڑیوں نے سبز ہلالی پرچم بلند کیا۔ یہ جیت پورے پاکستان کی کامیابی ہے۔ پاکستان کو یہ جیت اور بھارت کو یہ شکست مدتوں یاد رہے گی۔

یہ بھی پڑھیں: مشیر قومی سلامتی کی ایس سی او اجلاس میں شرکت، چینی قیادت سے بھی ملاقات

محنت اور عزم کی فتح

وزیراعلیٰ مریم نواز نے کہا کہ محنت اور عزم کے سامنے بڑے دعویداروں کو کرکٹ کے میدان میں بھی ناکامی کا سامنا کرنا پڑا۔ انڈر 19 قومی کرکٹ ٹیم نے شاندار کارکردگی کا مظاہرہ کرکے پاکستانی عوام کے دل جیت لیے ہیں۔

کھلاڑیوں کی شاندار کارکردگی

پاکستانی کھلاڑیوں نے ٹیم ورک کے ذریعے بہترین کھیل پیش کیا اور جیت اپنے نام کی۔ سبحان کی بہترین باؤلنگ نے فتح میں اہم کردار ادا کیا۔ کھلاڑیوں نے باؤلنگ، بیٹنگ اور فیلڈنگ کے شعبوں میں بھرپور صلاحیتوں کا مظاہرہ کیا۔ امید ہے انڈر 19 قومی کرکٹ ٹیم آئندہ میچوں میں بھی شاندار کارکردگی کا مظاہرہ کرے گی۔