ٹرمپ کی پھر فیلڈ مارشل اور وزیراعظم کی تعریف، پاک بھارت جنگ رکوانے کا تذکرہ

صدر ٹرمپ کا بڑا اعلان

واشنگٹن (ڈیلی پاکستان آن لائن) صدر ڈونلڈ ٹرمپ نے امریکی تاریخ کا سب سے بڑا بحری جہاز وکٹری بنانے کا اعلان کر دیا۔

یہ بھی پڑھیں: پاکستان بزنس پروفیشنل کونسل (پی بی پی سی) ابوظہبی کے زیر اہتمام یو اے ای اکنامک آؤٹ لک پر ایک خصوصی مکالمہ

فوج کی طاقت اور جدید آلات

امریکن صدر ڈونلڈ ٹرمپ نے وزیر دفاع پیٹ ہیگستھ اور نیول چیف کے ہمراہ میڈیا سے گفتگو میں کہا کہ ہماری فوج دنیا کی بہترین فورس ہے۔ ہم امریکی بحریہ میں طاقتورترین طیارہ بردار جہاز شامل کر رہے ہیں اور شراکت داروں کے ساتھ مل کر امریکی تاریخ کا سب سے بڑا بحری جنگی جہاز بنا رہے ہیں۔

یہ بھی پڑھیں: بھارت کو اہم عالمی اتحاد پیکس سیلیکا سے نکال دیا گیا

نئے بحری جہاز کی خصوصیات

صدر ٹرمپ نے کہا کہ اس جہاز میں گن، ہائپر سونک میزائل، اور لیزر شامل ہوں گے۔ امریکا کو نئے بحری جہازوں کی اشد ضرورت تھی۔ ہماری آبدوزیں بھی دنیا میں سب سے جدید ہیں، اور اس وقت پندرہ جدید ترین آبدوزیں اور تین نئے بحری جہاز تیاری کے مراحل میں ہیں۔

یہ بھی پڑھیں: اداکار نعمان اعجاز کم آمدن والے طبقے کو مہنگی بجلی دینے پر ناراض

امریکا کی آبدوز سازی کی برتری

انہوں نے مزید کہا کہ آبدوز سازی میں امریکا کسی بھی ملک سے پندرہ سال آگے ہے۔ چین یا روس بھی آبدوزوں میں ہمارا مقابلہ نہیں کر سکتے۔ ہم امریکی بحریہ کو دنیا کی طاقتور ترین بحریہ بنا رہے ہیں، ہماری سرحدیں محفوظ اور معیشت مضبوط ہے۔

یہ بھی پڑھیں: متنازعہ چینلز کا معاملہ، وزیراعلیٰ سندھ اسلام آباد پہنچ گئے، وزیراعظم سے ملاقات متوقع

عالمی سطح پر احترام کا حصول

امریکی صدر کا کہنا تھا کہ ایک دو سال پہلے جو لوگ ہم پر ہنس رہے تھے، اب وہ ہمارا احترام کرتے ہیں۔ امریکا کے پاس دنیا کے بہترین ہتھیار اور آلات ہیں اور بحریہ ہیڈ کوارٹرز بھی بہتر کیا جا رہا ہے۔

یہ بھی پڑھیں: ہوا فراٹے بھرتی ہوئی شدت کے ساتھ سرنگ کے اندر داخل ہوتی ہے، ایک لمحے کے لیے انسان پریشان ہو جاتا ہے اور بادلوں کی طرح اْڑ اْڑ جاتا ہے۔

منشیات کے خلاف اقدامات

صدر ٹرمپ نے مزید کہا کہ منشیات کی کشتی کو تباہ کرنے سے ہم ہر بار 25 ہزار جانیں بچاتے ہیں۔ منشیات سے بھری کشتیوں کو سمندر میں تباہ کیا جا رہا ہے اور کیریبین میں منشیات کی سمگلنگ 96.2 فیصد کم ہوگئی۔

یہ بھی پڑھیں: بنگلہ دیش کے خلاف کیوں اسکواڈ میں شاہین شاہ آفریدی کو شامل نہ کرنے کی وجہ سامنے آ گئی

منشیات کے اثرات اور ایبسٹائن کیس

انہوں نے کہا کہ امریکا میں گزشتہ سال 3 لاکھ افراد منشیات کے استعمال سے ہلاک ہوئے۔ بل کلنٹن کی ایبسٹین فائلز میں تصاویر دیکھ کر دکھ ہوا۔ جیفری ایبسٹائن سے پارٹی میں ملنے والوں کی تصاویر سامنے آئی ہیں، اور میں نے کبھی جیفری ایبسٹائن کے جزیرے کا دورہ نہیں کیا۔

پاکستان اور بھارت کے درمیان امن کی کوششیں

امریکی صدر کا مزید کہنا تھا کہ ہم نے پاکستان اور بھارت کے درمیان ایٹمی جنگ روکی۔ پاکستان کے وزیراعظم اور فیلڈ مارشل نے کہا کہ ٹرمپ نے 10 لاکھ جانیں بچائیں۔ میں نے دنیا میں اب تک 8 جنگیں روکی ہیں۔