پارٹی کا جو لیڈر مذاکرات کی بات کرتاہے وہ عمران خان کا ساتھی نہیں ہے: علیمہ خان

علیمہ خان کا عمران خان کے حوالے سے بیان

راولپنڈی (ڈیلی پاکستان آن لائن) بانی چیئرمین پاکستان تحریک انصاف عمران خان کی بہن علیمہ خان کا کہنا ہے کہ پارٹی کا جو لیڈر مذاکرات کی بات کرتا ہے وہ بانی پی ٹی آئی کی پارٹی کے ساتھ نہیں، نہ ہی وہ عمران خان کا ساتھی ہے۔

یہ بھی پڑھیں: بھتہ خوری، سونے کی اسمگلنگ اور منی لانڈرنگ جیسے جرائم پر مزید سخت کارروائی کا فیصلہ کیا ہے، وزیراعلیٰ بلوچستان سرفراز بگٹی

علیمہ خان کی میڈیا گفتگو

تفصیلات کے مطابق انسداد دہشت گردی عدالت راولپنڈی کے باہر میڈیا سے گفتگو کرتے ہوئے علیمہ خان کا کہنا تھا کہ عمران خان نے اسٹریٹ موومنٹ کا پیغام خیبر پختونخوا کی قیادت کو دے دیا ہے۔ انہوں نے کہا کہ تحریک تحفظ آئین پاکستان کے دو روزہ کانفرنس کے اعلامیہ کا انھیں علم نہیں ہے۔

یہ بھی پڑھیں: کیا بابراعظم آئندہ ٹی ٹوینٹی ٹیم میں شامل ہوں گے؟ ہیڈ کوچ نے واضح اعلان کر دیا

ماضی کے احتجاج کی یاد

علیمہ خان کے مطابق بانی پی ٹی آئی نے گزشتہ سال 22 نومبر کو پرامن احتجاج کی کال دی تھی، ان پر الزام ہے کہ انھوں نے بانی کا پیغام عوام تک پہنچایا۔ علیمہ خان نے کہا کہ بانی پی ٹی آئی اور بشریٰ بی بی کے خلاف توشہ خانہ کیس بوگس کیس ہے، عمران خان نے پرسوں بھی پیغام بھیجا ہے کہ وہ قوم کے لیے شہادت قبول کریں گے۔

کتابوں کی ترسیل

انہوں نے مزید کہا کہ عمران خان کو ہم نے 11 کتابیں بھیجی تھیں، جج صاحب نے کہا 9 کتابیں ان کو مل چکی ہیں۔