او پی ایف کسی دباؤ، سفارش یا سیاسی مفاد کے بغیر اوورسیز پاکستانیوں کی آواز بنے گی، افضال بھٹی
اوورسیز پاکستانیز فاؤنڈیشن کی خدمات
جدہ (محمد اکرم اسد) اوورسیز پاکستانیز فاونڈیشن کے منیجنگ ڈائریکٹر محمد افضال بھٹی نے کہا ہے کہ اوورسیز پاکستانیز فاؤنڈیشن وزیرِاعظم کے وژن کے مطابق بیرونِ ملک مقیم پاکستانیوں کے مسائل کے فوری حل، فلاحی منصوبوں اور حقوق کے تحفظ کے لیے فرنٹ لائن ادارے کے طور پر کام کر رہی ہے۔ او پی ایف کسی دباؤ، سفارش یا سیاسی مفاد کے بغیر اوورسیز پاکستانیوں کی آواز بنے گی۔
یہ بھی پڑھیں: ترک فضائیہ کا ایف 16 طیارہ گر کر تباہ ہو گیا ، پائلٹ شہید
برسوں کی سروس اور فلاحی منصوبے
انہوں نے مزید کہا کہ سعودی عرب سمیت دنیا بھر میں مقیم اوورسیز پاکستانی پاکستان کا روشن چہرہ ہیں، اور ان کے اعتماد کو ٹھیس پہنچانے والوں کو قوم کبھی معاف نہیں کرے گی۔ وہ یہاں مسلم لیگ سعودی عرب کے جنرل سیکرٹری ملک منظور حسین اعوان کی طرف سے اپنے اعزاز میں دئے گئے عشائیہ سے خطاب کر رہے تھے، جس میں کمیونٹی نے بھرپور شرکت کی۔
یہ بھی پڑھیں: 7 سالہ بچی سے زیادتی کی کوشش کرنے والے سفاک ملزم کو گرفتار کر لیا گیا۔
اوورسیز پاکستانیوں کے لیے خصوصی مراعات
محمد افضال بھٹی نے اپنے بڑے مفصل خطاب میں بتایا کہ او پی ایف نے اوورسیز پاکستانیز کے لئے کئی مراعات کا اعلان کیا ہے جو او پی ایف میں رجسٹرڈ ممبران حاصل کر سکتے ہیں اور ان میں مزید اضافہ کیا جا رہا ہے جن کا انہوں نے تفصیل سے احاطہ کیا۔ انہوں نے کہا کہ آپ سب او پی ایف کے ممبر بنیں کیونکہ آپ ان سب مراعات کے حق دار ہیں۔
محمد افضال بھٹی نے مزید کہا کہ آپ جب پاکستان آئیں تو او پی ایف کا وزٹ ضرور کریں۔
یہ بھی پڑھیں: شہزاد رائے نے اپنی اصل عمر بتا کر سب کو حیران کردیا
وفاقی پارلیمانی سیکرٹری کا بیان
وفاقی پارلیمانی سیکرٹری بڑائے اوورسیز پاکستانیز چوہدری احسان الحق باجوہ ایم این اے نے اپنے خطاب میں کہا کہ وزیر اعظم شہباز شریف سمندر پار پاکستانیوں کی خدمت کو اولین ترجیح دیتے ہیں۔ انہوں نے واضح طور پر کہا کہ اوورسیز پاکستانی محض ترسیلات زر بھیجنے والے نہیں بلکہ پاکستان کی معاشی خودمختاری اور ریاستی استحکام کی اصل قوت ہیں۔
یہ بھی پڑھیں: لیوٹس گارڈن جی ٹی روڈ پر اب تک کا سب سے عالیشان ریسٹورنٹ کھل گیا، لالہ موسیٰ میں یورپ جیسا ماحول
ماضی اور حال
ان کے حقوق، عزت اور تحفظ پر کسی قسم کی سیاست یا مصلحت قبول نہیں کی جائے گی۔ انہوں نے کہا کہ وزیرِاعظم پاکستان شہباز شریف کی قیادت میں موجودہ حکومت نے اقتدار کو ذاتی مفاد کے بجائے ریاستی ذمہ داری سمجھا ہے، جبکہ ماضی میں کچھ عناصر نے اوورسیز پاکستانیوں کو صرف جلسوں اور نعروں کے لیے استعمال کیا۔ آج عملی اقدامات ہو رہے ہیں۔
یہ بھی پڑھیں: آرمڈ فورسز میں نہ ہونے والا شخص فورسز کے ڈسپلن کے نیچے کیسے آتا ہے؟ جسٹس جمال مندو خیل کا استفسار
بیرون ملک نفرت کی روک تھام
چوہدری احسان الحق باجوہ نے سخت لہجے میں کہا کہ جو لوگ بیرونِ ملک بیٹھ کر پاکستان کے خلاف نفرت، انتشار اور ریاست دشمن بیانیہ پھیلا رہے ہیں، انہیں یہ جان لینا چاہیے کہ ریاست اب خاموش نہیں رہے گی۔ قومی سلامتی، اداروں اور آئین کے خلاف ہر سازش کا قانونی اور سیاسی جواب دیا جائے گا۔
یہ بھی پڑھیں: پنجاب میں سیلاب سے اموات کی تعداد 118 ہوگئی، 47لاکھ سے زائد افراد متاثر
مہمانوں کی پذیرائی
میزبان ملک منظور حسین اعوان نے اپنے خطاب میں کہا کہ ہمارے یہ مہمان مملکت میں جس منطقہ شہر میں بھی گئے کمیونٹی نے ان کی بھرپور پزیرائی کی اور انجا شکریہ ادا کیا کہ انہوں نے کمیونٹی مسائل سے آگاہی حاصل کی اور او پی ایف کی طرف سے دی جانے والی مراعات سے آگاہ بھی کیا۔
یہ بھی پڑھیں: سپریم کورٹ نے بیٹے کو مبینہ زہر دینے کے مقدمے میں والد کو بری کر دیا
تعلیمی سہولیات اور سرمایہ کاری
پاکستان انونسمینٹ فورم کے جنرل سیکرٹری مہر عبدالخالق لک نے اپنے خطاب میں اوورسیز پاکستانیز کے بچوں کو بہتر تعلیمی سہولیات دینے کا مطالبہ کرتے ہوئے کہا کہ یہاں یونیورسٹی لیول کی تعلیم کا بھی انتظام کیا جائے جبکہ انہوں نے انوسٹرز سے بھی کہ وہ طبی اور تعلیمی میدان میں بھی سرمایہ کاری کے لیے آگے بڑھیں۔
یہ بھی پڑھیں: پیٹرولیم مصنوعات کی قیمتوں میں اضافہ، تحریک انصاف نے اہم فیصلہ کر لیا
شکریہ و اختتام
دمام انوسٹمنٹ فورم کے صدر رانا محمد اشرف نے سپاسنامہ پیش کرتے ہوئے مہمانوں کا شکریہ ادا کیا کہ انہوں نے سعودی عرب کا دورہ کر کے جہاں اوورسیز پاکستانیز کے مسائل سنے، وہیں ان کو عزت سے نوازا اور مسائل کے حل کا یقین دلایا جس کے لئے ان کے شکر گزار ہیں۔
کمیونٹی کے مسائل اور ان کے حل
اس سے پہلے اراکین جن میں OPF کے بورڈ ممبر اور چئیرمین تعلیمی کمیٹی محمد کامران خان، ڈائریکٹر KBM سلمان خان، کشمیر کمیٹی کے جنرل سیکرٹری سردار اقبال، مسلم لیگ ریاض کے رانا خالد اکرم، بلو شیر، کاشف رندھاوہ، امجد اعوان، رانا زیب نے خطاب کرتے ہوئے کمیونٹی کو درپیش مسائل سے آگاہ کیا اور ان کو جلد حل کرنے پر زور دیتے ہوئے کہا کہ اوورسیز پاکستانیز کو اپنے ملک میں عزت دی جائے صرف باتوں سے نہیں بلکہ عملی اقدامات کئے جائیں۔
