پاکستان ریلویز نے سال 2025 میں حاصل آمدن کی تفصیلات جاری کر دیں

پاکستان ریلویز کی آمدن کی تفصیلات

لاہور (ڈیلی پاکستان آن لائن) پاکستان ریلویز نے سال 2025 میں حاصل ہونے والی آمدن سے متعلق تفصیلات جاری کر دی ہیں۔

یہ بھی پڑھیں: ججز ٹرانسفر فیصلے کے خلاف سپریم کورٹ میں انٹراکورٹ اپیل دائر

متوقع آمدن اور بنیادی تبدیلیاں

وزیرِ ریلوے محمد حنیف عباسی کے مطابق 2025 میں پاکستان ریلویز نے 93 ارب روپے سے زائد ریونیو حاصل کیا جبکہ مالی سال 2025-26 کی پہلی ششماہی میں 50 ارب روپے کی آمدن متوقع ہے۔ ریلوے مالی سال کے اختتام پر ریلوے تاریخ میں پہلی بار ایک کھرب آمدن کا سنگِ میل عبور کر لے گا۔

یہ بھی پڑھیں: بابر اعظم نے پاکستان کی جانب سے سب سے زیادہ ون ڈے سنچریاں بنانے کا سعید انور کا ریکارڈ برابر کردیا

سیفٹی میں بہتری

سیفٹی ڈیپارٹمنٹ کو ڈائریکٹوریٹ میں تبدیل کیا گیا جس سے حادثات میں خاطر خواہ کمی آئی۔ سیفٹی ڈائریکٹوریٹ بننے کے بعد حادثات کی شرح 0.09 سے 0.04 فیصد پر آ گئی، اور اس کے بعد ریلوے کو سیریس نوعیت کا کوئی حادثہ پیش نہیں آیا۔

یہ بھی پڑھیں: نظامِ تعلیم طبقاتی تفریق کا شکار ہے، تعلیم فروخت کی جا رہی ہے، ہوشربا فیسوں کے باعث غریب مگر باصلاحیت بچے داخلہ حاصل کرنے سے قاصر ہیں

اسمارٹ اسٹیشنز کی تعمیر

سال 2025 میں راولپنڈی کو ملک کا پہلا اسمارٹ اسٹیشن بنا دیا گیا جہاں کیمرے اور جدید سیکیورٹی سسٹم نصب ہے۔ 2026 میں دیگر بڑے اسٹیشن بھی اسمارٹ بننے جا رہے ہیں، اور ٹرینوں میں بھی کیمرے لگانے کا فیصلہ کر لیا گیا۔

یہ بھی پڑھیں: لیبیا کے ساحل پر تارکین وطن کی دو کشتیاں الٹ گئیں، 4 افراد ہلاک

ٹرینوں کی اپ گریڈیشن

ریلوے نے صرف 8 ماہ میں ٹرینوں کے 8 ریکس کو اَپ گریڈ کیا۔ شالیمار، پاک بزنس، لاثانی، اور فیض احمد فیض ٹرینوں کو اَپ گریڈ کیا گیا۔

یہ بھی پڑھیں: پاکستانی نوجوانوں کے روشن مستقبل کے لیے یورپی یونین کے ساتھ تعاون پر اہم ملاقات

دسمبر 2026 تک کے اہداف

وزیر ریلوے نے دعویٰ کیا کہ دسمبر 2026 تک پاکستان ریلویز کی تمام ٹرینیں اَپ گریڈ کر دیں گے۔ اسی طرح، لاہور، کراچی، راولپنڈی، اور فیصل آباد اسٹیشن اَپ گریڈ کیے گئے ہیں۔

یہ بھی پڑھیں: دھی رانی پروگرام کے تحت فیصل آباد میں 111 مستحق جوڑوں کی اجتماعی شادیاں، فروری تک 5 ہزار شادیوں کا ہدف مقرر

ڈیجیٹائزیشن کی پیش رفت

ریلوے کو ڈیجیٹائز کر دیا گیا ہے، وزارت کا تمام کام ای فائلنگ پر منتقل کر دیا ہے۔ اب تمام بڑے اسٹیشنوں پر اے ٹی ایم، ڈی وی ایم اور پی او ایس مشینیں موجود ہیں۔

یہ بھی پڑھیں: وزیراعظم شہباز شریف ریاض میں فیوچر انویسٹمنٹ انیشیٹو میں شرکت کریں گے

اراضی واگزار کروانے کی کوششیں

سال 2025 میں قابضین سے 394 ایکڑ اراضی واگزار کروائی گئی۔ وزیرِ ریلوے کے مطابق، دسمبر 2026 تک قابضین سے ریلوے کی تمام اراضی واگزار کروا لیں گے۔

یہ بھی پڑھیں: حکومت مشکل فیصلے کر رہی ہے، آنے والے دنوں میں معیشت میں مزید بہتری آئے گی: اعظم نذیر تارڑ

آؤٹ سورسنگ کے اقدامات

محمد حنیف عباسی کے مطابق 3 ریلوے اسکول آؤٹ سورس کر دیے گئے ہیں، جبکہ دیگر اگلے چھ ماہ میں کر دیے جائیں گے۔ اس کے علاوہ، 11 مزید ٹرینیں آؤٹ سورس ہونے جا رہی ہیں۔

یہ بھی پڑھیں: شہری نے اپنی ہی چوری شدہ گاڑی کو انجانے میں دوبارہ خرید لیا

صفائی کے معیار میں بہتری

لاہور، خانیوال، ملتان، کراچی اور راولپنڈی اسٹیشنوں کی صفائی کا انتظام آؤٹ سورس کیا گیا، اور اب ان تمام اسٹیشنوں پر رات کے 12 بجے بھی صفائی ملتی ہے۔

یہ بھی پڑھیں: نارووال میں نجی کالج میں زیرِتعلیم طالبہ کی خودکشی کی کوشش، لاہور ریفرکردیا گیا

کھانے کے معیار کی جانچ

اس کے علاوہ، اسٹیشنوں پر کھانے کا معیار بہتر کیا گیا ہے جسے صوبائی فوڈ اتھارٹیز کسی بھی وقت چیک کر سکتی ہیں۔

نئی ٹریک کی تعمیر

کراچی تا روہڑی ٹریک بنانے کے منصوبے پر پیش رفت جاری ہے، اور اس کی گراؤنڈ بریکنگ جولائی میں متوقع ہے۔