دورۂ سری لنکا کے لیے پاکستان کرکٹ ٹیم کے اسکواڈ کا اعلان جلد متوقع ہے

ٹی ٹوئنٹی سکواڈ کا اعلان

لاہور(ڈیلی پاکستان آن لائن) پاکستان کرکٹ ٹیم کے دورۂ سری لنکا کے لئے ٹی ٹوئنٹی سکواڈ کا اعلان جلد متوقع ہے۔

یہ بھی پڑھیں: مکہ مکرمہ میں موسلا دھار بارش، سڑکیں زیر آب آگئیں

مشاورتی عمل جاری

روزنامہ ’’جنگ‘‘ کے مطابق ذرائع کا کہنا ہے کہ ٹی ٹوئنٹی میچز کی سیریز کے لئے سکواڈ کے لئے مشاورتی عمل جاری ہے۔ آل راؤنڈر شاداب خان سری لنکا کے خلاف سیریز میں شامل ہوں گے۔

یہ بھی پڑھیں: پانی ہماری لائف لائن ہے، اس سے 1 انچ پیچھے نہیں ہٹیں گے: وفاقی وزیر

حارث رؤف کی شمولیت کا امکان

ذرائع کے مطابق سکواڈ میں فاسٹ بولر حارث رؤف کے نام پر غور کیا جار ہا ہے، حارث رؤف جنوبی افریقہ اور ٹرائی سیریز کے لئے سکواڈ کا حصہ نہیں تھے۔

یہ بھی پڑھیں: توشہ خانہ 2 کیس، عمران خان اور بشریٰ بی بی کی بریت کی درخواستیں خارج

نوجوان کھلاڑیوں کے مواقع

ذرائع کے مطابق ٹی ٹوئنٹی میں نوجوان کرکٹر معاذ صداقت کو موقع دیئے جانے کا امکان ہے، فاسٹ بولر احمد دانیال کی بھی سکواڈ میں شمولیت کا امکان ہے جبکہ کچھ کرکٹرز بی بی ایل میں شرکت جاری رکھیں گے۔

یہ بھی پڑھیں: اگر میرے کانٹینٹ سے منفی اثر ہوا ہو تو میں پوری قوم سے معافی مانگتا ہوں، جیل سے رہائی کے بعد ڈکی بھائی کا پہلا ولاگ

میچ کی تاریخیں

پاکستان اور سری لنکا کے درمیان ٹی ٹوئنٹی سیریز کے 3 میچز 7، 9 اور 11 جنوری کو کھیلے جائیں گے۔

یہ بھی پڑھیں: لاہور میں ایک فیملی کا انسداد پولیو ٹیم پر حملہ، خاتون ورکر کا سر پھاڑ دیا

ٹی ٹوئنٹی ورلڈ کپ کی تیاری

واضح رہے کہ ٹی ٹوئنٹی ورلڈ کپ کے لئے ابتدائی سکواڈ جمع کرانے کی ڈیڈ لائن 7 جنوری ہے، ورلڈ کپ کے انعقاد سے ایک ہفتہ قبل آئی سی سی کی اجازت سے ٹیم میں ردو بدل کیا جا سکتا ہے۔