پاکستان تحریک انصاف کا پنجاب کے 8 شہروں میں احتجاج کا منصوبہ

پاکستان تحریک انصاف کا احتجاجی منصوبہ

لاہور (ڈیلی پاکستان آن لائن) پاکستان تحریک انصاف نے پنجاب کے 8 شہروں میں بھرپور احتجاج کا فیصلہ کیا ہے۔

یہ بھی پڑھیں: اسلام آباد ہائیکورٹ کی ڈی ایس پی لیگل کو شیرافضل مروت کیخلاف سیل ایف آئی آر کی نقول جمع کرانے کی ہدایت

احتجاج کی تاریخیں

سٹی 42 نیوز کے مطابق تحریک انصاف نے 11 اکتوبر کو ملتان اور ساہیوال میں احتجاج کرنے کا فیصلہ کرلیا ہے۔ 12 اکتوبر کو گوجرانوالا اور سرگودھا میں احتجاج کیا جائے گا۔ 13 اکتوبر کو ڈی جی خان میں، جبکہ 14 اکتوبر کو لاہور اور فیصل آباد میں احتجاج کیا جائے گا۔

قیادت کی ہدایات

تحریک انصاف نے قیادت کو اہم ہدایات جاری کر دی ہیں۔ پنجاب میں احتجاج کے بعد اسلام آباد میں احتجاج کی دوبارہ کال دی جائے گی۔ اسلام آباد میں احتجاج کی کال کا فیصلہ تحریک انصاف کی سیاسی کمیٹی کرے گی۔