تحریک تحفظ آئین پاکستان نے حکومت سے مذاکرات پر آمادگی ظاہر کردی
حکومت سے مذاکرات پر آمادگی
اسلام آباد(ڈیلی پاکستان آن لائن) تحریک تحفظ آئین پاکستان نے حکومت سے مذاکرات پر آمادگی ظاہر کردی۔ وزیراعظم کی مذاکرات کی پیشکش پر اپوزیشن الائنس تحریک تحفظ آئین پاکستان کے اہم اجلاس میں حکومت سے مذاکرات پر آمادگی ظاہر کردی گئی۔
یہ بھی پڑھیں: عطا تارڑ اور ڈی جی آئی ایس پی آر سیاسی جماعتوں کو قومی سلامتی کی صورتحال پر بیک گراؤنڈ بریفنگ دیں گے
آئینی اور جمہوری اقدار کی مضبوطی
ترجمان کے مطابق آئینی اور جمہوری اقدار کی مضبوطی کیلئے مذاکرات پر تیار ہیں، شفاف انتخابات، متفقہ الیکشن کمشنر کی تقرری، قانون کی حکمرانی پر مذاکرات کیلئے تیار ہیں۔
ملکی بحران کا حل
بیان کے مطابق ملک کو درپیش بحران، امن اوامان اور مایوسی کے خاتمے کیلئے نئے میثاق کی اَشد ضرورت ہے، تحریک تحفظ آئین پاکستان نے بانی پی ٹی آئی سے نئے میثاق پر دستخط کرانے کی ذمہ داری لے لی۔
