پنجاب کے بیشتر اضلاع میں موسم خشک اور سرد رہنے کا امکان

موسم کی پیشگوئی

اسلام آباد (ڈیلی پاکستان آن لائن) محکمہ موسمیات نے اسلام آباد سمیت ملک بھر کے بیشتر اضلاع میں موسم خشک اور سرد رہنے کی پیشگوئی کی ہے۔

یہ بھی پڑھیں: این سی سی آئی اے افسران مبینہ گینگ بنا کر رشوت خوری کر رہے ہیں، ڈکی بھائی کو پکڑنے والے افسران کا 3 روزہ ریمانڈ منظور

اسلام آباد اور خیبر پختونخوا کی صورتحال

نجی ٹی وی سما نیوز کے مطابق محکمہ موسمیات کا کہنا ہے کہ اسلام آباد اور گردونواح میں موسم سرد اور خشک رہنے کی توقع ہے۔ خیبر پختونخوا کے بیشتر اضلاع میں بھی موسم سرد اور خشک رہے گا، جبکہ خیبر پختونخوا کے شمالی اضلاع میں موسم شدید سرد رہنے کا امکان ہے۔

یہ بھی پڑھیں: سکیورٹی فورسز کا پاک افغان بارڈر پر فالو اپ آپریشن،مزید 17خارجی ہلاک

پنجاب میں دھند کی پیشگوئی

گوجرانوالہ، گجرات، سیالکوٹ، نارووال، لاہور، شیخوپورہ، بہاول نگر، اوکاڑہ، قصور، خانیوال، خانپور، بہاولپور اور رحیم یارخان میں دھند پڑنے کا امکان ظاہر کیا جا رہا ہے۔

یہ بھی پڑھیں: سعودی عرب میں رمضان کا چاند نظر آگیا، کل پہلا روزہ ہوگا

سندھ اور بلوچستان کی صورتحال

سندھ کے بیشتر اضلاع میں موسم سرد اور خشک رہے گا، جبکہ سکھر، روہڑی، شکارپور، کشمور، شہید بینظیر آباد میں دھند پڑنے کا امکان ہے۔

بلوچستان میں موسم کی صورتحال

بلوچستان کے بیشتر اضلاع میں موسم سرد اور خشک رہے گا۔ بلوچستان کے شمالی اضلاع میں موسم شدید سرد رہنے کے ساتھ شام میں ان علاقوں میں مطلع جزوی ابر آلود رہنے کا امکان بھی ہے۔