خوشبو کی شاعرہ پروین شاکر کو بچھڑے 31 برس بیت گئے

پروین شاکر کی یاد

کراچی(ڈیلی پاکستان آن لائن) اردو کی ممتاز شاعرہ پروین شاکر کو ہم سے بچھڑے آج 31 سال گزر گئے۔

یہ بھی پڑھیں: یکم جنوری 2028 تک سود کے خاتمے کی شق متفقہ طور پر منظور

حیات اور وفات

روزنامہ جنگ کے مطابق شاعرہ پروین شاکر 24 دسمبر 1994 کو اسلام آباد میں ایک ٹریفک حادثے میں جاں بحق ہوئیں، اس وقت ان کی عمر صرف 42 سال اور 24 دن تھی۔

یہ بھی پڑھیں: بانی پی ٹی آئی عمران خان کی ایکس پوسٹس غیرقانونی قرار دینے کیلئے اسلام آباد ہائیکورٹ میں درخواست دائر

تعلیم اور کیریئر

جامعہ کراچی سے انگریزی ادب اور لسانیات میں تعلیم حاصل کرنے والی پروین شاکر نے 1982 میں مقابلے کا امتحان پاس کرکے سول سروس میں شمولیت اختیار کی۔
پروین شاکر محکمہ کسٹمز میں کلکٹر بنیں۔ اس عہدے سے ترقی کرتے ہوئے پرنسپل سیکرٹری اور پھر سی آر بی آر اسلام آباد میں مقرر ہوئیں۔

یہ بھی پڑھیں: فیلڈ مارشل سید عاصم منیر کی متحدہ عرب امارات کے قومی سلامتی کے مشیر سے ملاقات

ادبی سفر

دوران تعلیم ہی 1976 میں ان کا پہلا شعری مجموعہ ’خوشبو‘ شائع ہوا تو پروین کی مقامی ہی نہیں عالمی سطح پر پذیرائی اور شناسائی میں اضافہ ہوا۔

شخصی اور ادبی شناخت

پروین شاکر کی ازدواجی زندگی تو کامیاب نہ رہی مگر شاعری ان کی ایسی پہچان بنی کہ ٹریفک حادثے نے بھی آج تک انہیں مرنے نہیں دیا۔ پروین شاکر کی شاعری آج کے عہد کی شاعری ہے۔ انہوں نے شاعری میں مختلف تجربات کیے ہیں جس میں وہ کامیاب بھی رہی ہیں۔ مختلف زبانیں جاننے کے باوجود انہوں نے نہایت آسان اور سہل زبان میں شاعری کی۔