ایف بی آر کا سوشل میڈیا پلیٹ فارمز پر اسمگل شدہ اور نان کسٹم پیڈ سامان فروخت کرنے والوں کے خلاف کریک ڈاؤن کا فیصلہ

فیڈرل بورڈ آف ریونیو کا کریک ڈاؤن

اسلام آباد (ڈیلی پاکستان آن لائن) فیڈرل بورڈ آف ریونیو نے سوشل میڈیا پلیٹ فارمز پر اسمگل شدہ اور نان کسٹم پیڈ سامان فروخت کرنے والوں کے خلاف کریک ڈاؤن شروع کرنے کا فیصلہ کیا ہے۔

یہ بھی پڑھیں: سابق صدر عارف علوی کا کلینک سیل کرنے کا فیصلہ کالعدم قرار

مانیٹرنگ کا آغاز

پبلک نیوز کے مطابق ایف بی آر ذرائع کا کہنا ہے کہ یکم جنوری سے سوشل میڈیا اکاؤنٹس کی مانیٹرنگ شروع کر دی جائے گی، جس کے تحت اسمگل شدہ اشیاء فروخت کرنے والے افراد کا ڈیٹا اکٹھا کیا جائے گا۔ فروخت کنندگان کا سراغ ان کے ای میل ایڈریسز اور موبائل نمبرز سے لگایا جائے گا، اور نادرا کی مدد سے ان کی شناخت کی تصدیق کی جائے گی۔ ایف بی آر انہیں نوٹسز جاری کرے گا اور انفورسمنٹ ٹیمیں ان کی دکانوں اور گوداموں کا سراغ لگا کر مزید قانونی کارروائی کریں گی۔

یہ بھی پڑھیں: 1 مئی جلاﺅ گھیراﺅ کیس: پی ٹی آئی کے مزید 6 شرپسندوں پر فرد جرم عائد، 42پر پہلے ہی لگ چکی

کریک ڈاؤن میں شامل اشیاء

اس کارروائی میں اسمگل شدہ الیکٹرونکس، گھریلو آلات، جوتے، کپڑے، میک اپ سامان، چاکلیٹس، ٹافیاں، کمبل، قالین، گاڑیوں کے پرزے، لیپ ٹاپ، کمپیوٹرز اور دیگر سامان شامل ہے۔ اس کے علاوہ ڈرائی فروٹس، ٹن فوڈز، جام، جیلی، زیتون کا تیل، کراکری، جوسر، چاپرز اور دیگر اسمگل شدہ اشیاء بیچنے والوں کے خلاف بھی کارروائی کی جائے گی۔

ایف بی آر کی عزم

ایف بی آر کا کہنا ہے کہ وہ موثر انٹیلی جنس اکٹھا کرنے اور بین الاداری تعاون کے ذریعے اسمگلنگ کو روک کر قومی معیشت کے تحفظ کے لیے پرعزم ہے۔ اس سے قبل، ایف بی آر نے سوشل میڈیا پر پرتعیش طرز زندگی دکھانے والے ٹیکس چوروں کے خلاف کریک ڈاؤن شروع کرنے کا فیصلہ کیا تھا۔