بنگلہ دیش کی سیاست میں انقلابی تبدیلی، جماعت اسلامی اور طلباء کی نیشنل سٹیزن پارٹی نے انتخابی اتحاد کا اعلان کر دیا

بنگلہ دیش کی سیاسی تبدیلی

ڈھاکہ (مانیٹرنگ ڈیسک) بنگلہ دیش کی سیاست میں انقلابی تبدیلی آ رہی ہے، جہاں جماعت اسلامی نے آئندہ عام انتخابات کے لیے طلباء کی قیادت والی نیشنل سٹیزن پارٹی (NCP) کے ساتھ انتخابی اتحاد کا اعلان کر دیا ہے۔ یہ اتحاد فروری 2026 میں ہونے والے پارلیمانی انتخابات سے قبل ایک اہم سیاسی پیش رفت ہے۔

یہ بھی پڑھیں: امریکی دفاعی جریدے نے پاکستان فضائیہ کی برتری تسلیم کر لی، بھارت کو بڑا جھٹکا

نئے انتخابی اتحاد کا اعلان

جماعت اسلامی کے امیر ڈاکٹر شفیق الرحمان نے پریس کانفرنس میں اعلان کیا کہ NCP اور لبرل ڈیموکریٹک پارٹی (LDP) موجودہ 8 جماعتی اتحاد میں شامل ہو گئی ہیں، جس سے یہ اتحاد اب 10 جماعتی ہو گیا ہے۔ NCP جولائی 2024 کے طلباء احتجاج کی قیادت کرنے والے رہنماؤں کی تشکیل کردہ پارٹی ہے، جس نے سابق وزیراعظم شیخ حسینہ واجد کی حکومت کا خاتمہ کیا تھا۔