پاکستانی ٹیسٹ ٹیم کے کپتان شان مسعود نے نیا قومی ریکارڈ بنا دیا
شان مسعود کا نیا قومی ریکارڈ
کراچی(ڈیلی پاکستان آن لائن) پاکستانی ٹیسٹ ٹیم کے کپتان شان مسعود نے نیا قومی ریکارڈ بنا دیا ہے۔36 سالہ شان مسعود نے پریزیڈنٹ ٹرافی کے پہلے روز برق رفتار ڈبل سنچری اسکور کرکے نیا قومی ریکارڈ بنایا ہے۔
یہ بھی پڑھیں: شوہر نے دوسری شادی کی لیکن پھر لوٹ آئے؛ سینیئر اداکارہ نے ’صبر آزما‘ داستان سنادی
پہلے روز کی شاندار کارکردگی
کراچی میں پریزیڈنٹ ٹرافی کے پہلے روز شان مسعود نے شاندار بیٹنگ کرتے ہوئے پاکستان کی تاریخ میں تیز ترین فرسٹ کلاس ڈبل سنچری کا ریکارڈ بنا دیا۔ ایس این جی پی ایل سے کھیلتے ہوئے شان مسعود نے ساحر ایسوسی ایٹس کے خلاف 177 گیندوں پر ڈبل سنچری مکمل کی۔ اس سے قبل پاکستان کی تیز ترین فرسٹ کلاس ڈبل سنچری کا ریکارڈ انضمام الحق کے پاس تھا، جنہوں نے 1992 کے دورے میں آکسفورڈ اینڈ کیمبرج یونیورسٹی کے خلاف ٹور میچ میں 188 گیندوں پر ڈبل سنچری بنائی تھی۔
پاکستانی سرزمین پر مزید تاریخ
شان مسعود کی جانب سے سکور ہونے والی ڈبل سنچری، پاکستانی سرزمین پر بھی تیز ترین فرسٹ کلاس ڈبل سنچری ہے۔ وہ پہلے دن کے اختتام پر 185 گیندوں پر 212 رنز کے ساتھ ناٹ آؤٹ ہیں۔ یہ ریکارڈ بھارت کے وریندر سہواگ کے پاس تھا، جنہوں نے 2006 ءکے لاہور ٹیسٹ میں 182 گیندوں پر ڈبل سنچری بنائی تھی۔
