Saudi Arabia and Pakistan Poised for $2 Billion Investment Agreement
سرمایہ کاری کے معاہدے
اسلام آباد (ڈیلی پاکستان آن لائن) سعودی عرب اور پاکستان کے درمیان 2 ارب ڈالر کی سرمایہ کاری کے معاہدے متوقع ہیں۔ سعودی عرب کے ساتھ سرمایہ کاری کے معاہدوں کے لیے فریم ورک تیار کر لیا گیا ہے۔
یہ بھی پڑھیں: معروف ادیب و معالج محمد حنیف شیوانی کے اعزاز میں ادبی نشست کا انعقاد، “زخمِ خنداں” کی تقریبِ رونمائی کی گئی
متوقع سرمایہ کاری
ذرائع وزارت تجارت کے مطابق سعودی عرب کی جانب سے 2027 تک 5 ارب ڈالر سے زائد کی مجموعی سرمایہ کاری متوقع ہے۔ مختلف شعبوں میں سرمایہ کاری کے لیے تقریباً 30 معاہدوں پر دستخط کیے جائیں گے۔ اس کیلئے مجموعی طور پر حکومتی اور نجی شعبے سے تقریباً 40 کمپنیوں کا وفد پاکستان آئے گا۔
یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟
معاہدوں کی تفصیلات
زرائع کے مطابق سعودی عرب کے ساتھ زراعت، انفارمیشن ٹیکنالوجی، اور کنسٹرکشن میٹریل کے معاہدوں پر دستخط ہوں گے۔ سعودی وفد پٹرولیم کے شعبے اور پاور سیکٹر کے معاہدوں پر بھی دستخط کرے گا، اسی طرح فوڈ سیکیورٹی، میٹ ایکسپورٹ، اور پاکستانی رائس ایکسپورٹ کے لیے بھی معاہدوں پر دستخط ہوں گے۔
یہ بھی پڑھیں: Several Migrants Drown at Sea While Attempting to Reach England from France
مائننگ اور ریلوے کے معاہدے
ذرائع کا کہنا ہے کہ مائننگ، آئل ریفائنری، اور ریلوے کے طے شدہ معاہدوں کی پیشرفت کا جائزہ بھی لیا جائے گا۔ وزارت تجارت کے ذرائع کے مطابق سعودی عرب کے ساتھ سرمایہ کاری کے معاہدے کے لیے فریم ورک تیار کر لیا گیا ہے۔
یہ بھی پڑھیں: یحییٰ السنوار: غزہ میں ہلاک ہونے والے حماس کے رہنما کون تھے؟
ابتدائی سرمایہ کاری
ابتدائی طور پر سعودی عرب اور پاکستان کے درمیان 2 ارب ڈالر کے سرمایہ کاری کے معاہدے متوقع ہیں۔ پہلے مرحلے میں سعودی عرب سے نجی شعبہ پاکستان میں تقریباً 1 ارب ڈالر کی سرمایہ کاری کرے گا۔
یہ بھی پڑھیں: اوکاڑہ: رکشہ اور ڈالے میں ٹکر، خواتین سمیت 3 افراد جاں بحق
سعودی وفد کی ملاقاتیں
نجی شعبہ پاکستان میں اپنے مقامی نمائندے تعینات کر کے سرمایہ کاری کا حجم بڑھائے گا۔ سعودی عرب کا سرکاری وفد سعودی فنڈ فار ڈویلپمنٹ کے تحت منصوبوں پر بات چیت کرے گا۔
یہ بھی پڑھیں: بلاول بھٹو زرداری کا ایرانی سپریم لیڈر آیت اللّٰہ علی خامنہ ای کی شہادت پر افسوس کا اظہار
حکومتی سطح کی کارروائیاں
ذریعے کے مطابق سرکاری ادارے اور نجی شعبہ دونوں پاکستان میں الگ الگ حکام سے ملاقاتیں کریں گے۔ حکومتی سطح پر سرمایہ کاری کے لیے ریگولیٹری منظوری اور این او سی سے متعلقہ پیشرفت کا جائزہ لیا جائے گا۔
وزیر اعظم کی توقعات
یاد رہے کہ گزشتہ روز وزیراعظم شہباز شریف کا کہنا تھا کہ پاکستان رواں ہفتے کے آخر میں سعودی عرب سے آنے والے وفد کے ساتھ 2 ارب ڈالر سے زائد کے معاہدوں پر دستخط کرے گا۔
