Saudi Arabia and Pakistan Poised for $2 Billion Investment Agreement

سرمایہ کاری کے معاہدے

اسلام آباد (ڈیلی پاکستان آن لائن) سعودی عرب اور پاکستان کے درمیان 2 ارب ڈالر کی سرمایہ کاری کے معاہدے متوقع ہیں۔ سعودی عرب کے ساتھ سرمایہ کاری کے معاہدوں کے لیے فریم ورک تیار کر لیا گیا ہے۔

یہ بھی پڑھیں: 26 نومبر احتجاج کیس: علیمہ خان کا شناختی کارڈ اور پاسپورٹ ضبط کرنے کا حکم

متوقع سرمایہ کاری

ذرائع وزارت تجارت کے مطابق سعودی عرب کی جانب سے 2027 تک 5 ارب ڈالر سے زائد کی مجموعی سرمایہ کاری متوقع ہے۔ مختلف شعبوں میں سرمایہ کاری کے لیے تقریباً 30 معاہدوں پر دستخط کیے جائیں گے۔ اس کیلئے مجموعی طور پر حکومتی اور نجی شعبے سے تقریباً 40 کمپنیوں کا وفد پاکستان آئے گا۔

یہ بھی پڑھیں: کرم میں بےگناہوں کے قتل پر علی امین گنڈاپور اور پی ٹی آئی کیوں خاموش ہیں؟شازیہ مری

معاہدوں کی تفصیلات

زرائع کے مطابق سعودی عرب کے ساتھ زراعت، انفارمیشن ٹیکنالوجی، اور کنسٹرکشن میٹریل کے معاہدوں پر دستخط ہوں گے۔ سعودی وفد پٹرولیم کے شعبے اور پاور سیکٹر کے معاہدوں پر بھی دستخط کرے گا، اسی طرح فوڈ سیکیورٹی، میٹ ایکسپورٹ، اور پاکستانی رائس ایکسپورٹ کے لیے بھی معاہدوں پر دستخط ہوں گے۔

یہ بھی پڑھیں: رانا ثنا اللہ کا ایاز لطیف پلیجو اور زین شاہ سے ٹیلیفونک رابطہ، کینال زوکارپوریٹ فارمنگ کے مسئلے پر مذاکرات کی پیشکش

مائننگ اور ریلوے کے معاہدے

ذرائع کا کہنا ہے کہ مائننگ، آئل ریفائنری، اور ریلوے کے طے شدہ معاہدوں کی پیشرفت کا جائزہ بھی لیا جائے گا۔ وزارت تجارت کے ذرائع کے مطابق سعودی عرب کے ساتھ سرمایہ کاری کے معاہدے کے لیے فریم ورک تیار کر لیا گیا ہے۔

یہ بھی پڑھیں: سپریم کورٹ میں آئندہ ہفتے 968 مقدمات سماعت کیلئے مقرر

ابتدائی سرمایہ کاری

ابتدائی طور پر سعودی عرب اور پاکستان کے درمیان 2 ارب ڈالر کے سرمایہ کاری کے معاہدے متوقع ہیں۔ پہلے مرحلے میں سعودی عرب سے نجی شعبہ پاکستان میں تقریباً 1 ارب ڈالر کی سرمایہ کاری کرے گا۔

یہ بھی پڑھیں: عالمی منڈی میں خام تیل کی قیمت میں اضافہ

سعودی وفد کی ملاقاتیں

نجی شعبہ پاکستان میں اپنے مقامی نمائندے تعینات کر کے سرمایہ کاری کا حجم بڑھائے گا۔ سعودی عرب کا سرکاری وفد سعودی فنڈ فار ڈویلپمنٹ کے تحت منصوبوں پر بات چیت کرے گا۔

یہ بھی پڑھیں: مری میں شدید برفباری کے باعث نظام زندگی مفلوج، مری میں مزید گاڑیوں کا داخلہ بند کردیا گیا

حکومتی سطح کی کارروائیاں

ذریعے کے مطابق سرکاری ادارے اور نجی شعبہ دونوں پاکستان میں الگ الگ حکام سے ملاقاتیں کریں گے۔ حکومتی سطح پر سرمایہ کاری کے لیے ریگولیٹری منظوری اور این او سی سے متعلقہ پیشرفت کا جائزہ لیا جائے گا۔

وزیر اعظم کی توقعات

یاد رہے کہ گزشتہ روز وزیراعظم شہباز شریف کا کہنا تھا کہ پاکستان رواں ہفتے کے آخر میں سعودی عرب سے آنے والے وفد کے ساتھ 2 ارب ڈالر سے زائد کے معاہدوں پر دستخط کرے گا۔