شادی کے وقت شاہ رخ خان کا نام بدل کر کونسا ہندو نام رکھا تھا؟ بیوی گوری نے بڑا انکشاف کردیا

گوری خان کا انکشاف

ممبئی (ویب ڈیسک) بالی ووڈ اداکار شاہ رخ خان کی اہلیہ گوری خان نے اپنے شوہر کے اصل نام کے حوالے سے بڑا انکشاف کیا ہے۔

یہ بھی پڑھیں: مشاہد حسین سید نے ٹرمپ کے 2026 کے الیکشن ہارنے کی پیشگوئی کردی

شادی کی ہچکچاہٹ

نجی ٹی وی آج نیوز کے مطابق بالی ووڈ کے مسلمان اداکار شاہ رخ خان کے ساتھ رشتہ ازدواج میں منسلک ہونے والی گوری خان نے ایک انٹرویو کے دوران کہا کہ ابتدا میں ان کے والدین ہچکچاہٹ کا شکار تھے کیونکہ ان کی بیٹی بین المذاہب شادی کرنے کی خواہش مند تھی۔

یہ بھی پڑھیں: الیکشن میں 50فیصد سے زائد ووٹ لینے والے امیدواروں کو کامیاب قرار دینے کی درخواست خارج ،درخواستگزار کو 20ہزار جرمانہ

نام کا انتخاب

اسی ہچکچاہٹ کو دور کرنے کی جدوجہد کے بارے میں بات کرتے ہوئے گوری خان نے بتایا کہ ’ہم نے شاہ رخ خان کا نام ”ابھینو“ رکھا تاکہ میرے والدین انہیں ہندو لڑکے کے طور پر دیکھیں، لیکن یہ واقعی بچگانہ اور بے وقوفی تھی۔‘ انہوں نے یہ بھی بتایا کہ شادی کے وقت میرے خاندان میں کئی لوگوں کو یہ فکر تھی کہ کہیں شاہ رخ مجھ پر اسلام قبول کرنے کے لیے دباؤ نہ ڈال دیں۔

یہ بھی پڑھیں: امید ہے اسلام آباد پریس کلب کی نئی باڈی صحافیوں کے مسائل کے حل کو ترجیح دے گی: عظمیٰ بخاری

شادی کی عمر

واضح رہے کہ جب گوری نے 1991 میں شادی کی تھی تو وہ محض 21 برس کی تھیں جبکہ شاہ رخ 26 سال کے تھے۔

یہ بھی پڑھیں: شوہر بالی ووڈ اداکار اکشے کمار کی طرح محسوس ہوتے تھے: صاحبہ افضل

مذہب کا احترام

اپنے مذہب تبدیل نہ کرنے کے فیصلے کے بارے میں بات کرتے ہوئے گوری نے ایک انٹرویو میں مزید یہ بھی کہا کہ ’میں شاہ رخ خان کے مذہب کا احترام کرتی ہوں، لیکن اس کا مطلب یہ نہیں کہ میں اپنا مذہب تبدیل کروں گی۔ میرا ماننا ہے کہ ہر شخص کو اپنے عقیدے پر عمل کرنا چاہیے، اور ایک دوسرے کا احترام ہونا چاہیے۔ اسی طرح دیوالی کے موقع پر میں پوجا کی قیادت کرتی ہوں، اور پورا خاندان میرے پیچھے چلتا ہے۔ عید کے موقع پر شاہ رخ قیادت کرتے ہیں اور ہم ان کی پیروی کرتے ہیں‘۔

فیملی کی پریشانی

گوری کا مزید کہنا تھا کہ شاہ رخ کبھی میرے مذہب کی بے حرمتی نہیں کریں گے۔ لیکن میری والدہ اب بھی اس صورت حال سے پریشان ہوتی ہیں، جب آریان انہیں کہتا ہے کہ ’میں مسلمان ہوں‘۔