ویرانی سے روشنی تک، پی ایس ایل کی کہانی

کھیل اور قومیت کی ایک نئی شکل

کھیل کسی بھی معاشرے کی روح ہوتے ہیں۔ یہ صرف جسمانی سرگرمی نہیں بلکہ قومی مزاج، اجتماعی حوصلے اور زندہ قوم ہونے کی علامت ہوتے ہیں۔ جب کسی ملک کے اسٹیڈیم آباد ہوں، جب بچوں کے ہاتھوں میں بیٹ اور گیند ہوں، اور جب گلیوں میں کھیلوں کی آوازیں گونج رہی ہوں تو سمجھ لیجیے کہ وہ معاشرہ مایوسی نہیں بلکہ امید کے ساتھ سانس لے رہا ہے۔

یہ بھی پڑھیں: الیکشن کمیشن نے ایم این اے عبداللطیف چترالی کو نا اہل قرار دے دیا

پاکستان کا کھیلوں کی رونق سے محرومی کا دور

بدقسمتی سے، پاکستان ایک طویل عرصے تک اس خوشی اور رونق سے محروم رہا۔ وہ میدان جو کبھی قذافی اسٹیڈیم، نیشنل اسٹیڈیم اور راولپنڈی کرکٹ اسٹیڈیم کی پہچان تھے، دہشت گردی کے سائے میں آ کر ویران ہو گئے۔ عالمی ٹیموں نے پاکستان آنا چھوڑ دیا، غیر ملکی کھلاڑیوں نے معذرتیں شروع کر دیں اور دشمنوں کو یہ پروپیگنڈا کرنے کا موقع مل گیا کہ پاکستان کھیلوں کے لیے غیر محفوظ ملک ہے۔

یہ بھی پڑھیں: پنجاب میں سیلاب سے اموات کی تعداد 49 ہوگئی، مزید بارشوں کی پیشگوئی

بھارتی سازش اور پاکستانی عزم

یہ سب کچھ اچانک نہیں ہوا۔ اس کے پیچھے ایک منظم منصوبہ تھا۔ بھارت نے ہمیشہ یہ کوشش کی کہ پاکستان کو عالمی سطح پر تنہا کیا جائے، چاہے وہ سفارت کاری ہو، معیشت ہو یا کھیل۔ کھیل چونکہ براہ راست عوام سے جڑے ہوتے ہیں، اس لیے بھارت نے اس محاذ کو خاص طور پر نشانہ بنایا۔ دہشت گردی کو ہوا دی گئی، مخصوص واقعات کو بڑھا چڑھا کر پیش کیا گیا اور گودی میڈیا نے پاکستان کے خلاف زہر اگلنے میں کوئی کسر نہ چھوڑی۔

یہ بھی پڑھیں: الیکشن ٹریبونل نے وزیراعلیٰ پنجاب مریم نواز کی کامیابی کیخلاف انتخابی عذرداری مسترد کردی

پاکستان کا عزم وحدت اور ترقی

لیکن تاریخ گواہ ہے کہ قوم آزمائشوں میں ہی مضبوط ہوتی ہے۔ دہشت گردی کے عروج کے دنوں میں جب ہر طرف خوف کا راج تھا، تب بھی ریاست نے ہار نہیں مانی۔ سیکیورٹی اداروں نے دن رات محنت کی، قربانیاں دیں اور دہشت گردی کے نیٹ ورک کو توڑ کر رکھ دیا۔ یہ محنت کسی ایک آپریشن تک محدود نہیں تھی بلکہ ایک مسلسل جدوجہد تھی، جس کا مقصد فقط امن قائم کرنا نہیں بلکہ قوم کا اعتماد بحال کرنا تھا۔

یہ بھی پڑھیں: فیصل آباد؛ بجلی چوری اور بل ادا نہ کرنے پر پورے گاؤں کی بجلی منقطع

پاکستان سپر لیگ: ایک نئی شروعات

پاکستان سپر لیگ اسی جدوجہد کا عملی ثبوت ہے۔ پی ایس ایل کا آغاز ایسے وقت میں ہوا جب پاکستان میں بین الاقوامی کرکٹ تقریباً ختم ہو چکی تھی۔ ابتدا میں میچز بیرون ملک ہوئے، لیکن نیت یہی تھی کہ یہ لیگ ایک دن پاکستان واپس آ سکے گی۔ ہر سیزن کے ساتھ یہ عزم مضبوط ہوتا گیا۔

یہ بھی پڑھیں: گھوٹکی: گزشتہ شب بس سے اغوا کیے گئے تمام مسافروں کو بازیاب کروالیا گیا

نئی ٹیموں کا اضافہ اور مستقبل کی امیدیں

آج پاکستان سپر لیگ کا دائرہ مزید وسیع ہو چکا ہے۔ حیدرآباد اور سیالکوٹ کے نام سے دو نئی ٹیموں کی شمولیت عزم و اعتماد کی علامت ہے۔ یہ وہی پاکستان ہے جس کے بارے میں کبھی کہا جاتا تھا کہ یہاں کوئی سرمایہ لگانے کو تیار نہیں۔

یہ بھی پڑھیں: ہم اپنی مسلح افواج کو خراج تحسین پیش کرتے ہیں: اسد قیصر

پرامن پاکستان کی نشانی

پی ایس ایل کی کامیابی اس بات کا ثبوت ہے کہ پاکستان کا مستقبل روشن ہے۔ جب اسٹیڈیم میں تالیاں بجتی ہیں، جب قومی ترانہ گونجتا ہے تو یہ لمحہ ہر اس سازش کا جواب بن جاتا ہے جو پاکستان کو کمزور دیکھنا چاہتی ہے۔ کھیل کے میدان دوبارہ آباد ہو رہے ہیں، اور یہ آباد میدان اس بات کا اعلان ہیں کہ پاکستان نہ جھکا ہے، نہ جھکے گا۔

یہ بھی پڑھیں: وائرل اسکرین شارٹس کا ریڈیو پاکستان واقعے سے کوئی تعلق نہیں، ایک ویڈیو پشاور کی بھی نہیں، تیمور سلیم جھگڑا کا پنجاب فرانزک رپورٹ پر ردعمل

وزیر اعظم کا اہم کردار

وزیر اعظم میاں محمد شہباز شریف کا کردار بھی اس پورے منظرنامے میں نظر انداز نہیں کیا جا سکتا۔ وہ خاموشی سے اہداف کو نشانہ بناتے ہوئے پاکستان کی ترقی کی راہ ہموار کر رہے ہیں۔

نئی شروعات کا پیغام

یہ پیغام ہے کہ کھیل نفرت سے نہیں، محبت سے پھلتے پھولتے ہیں۔ بھارت کی خواہش کہ پاکستان کے میدان ہمیشہ ویران رہیں، اب دفن ہو چکی ہے۔ یہ اس یقین کا اظہار ہے کہ پاکستان کا مستقبل روشن ہے۔ کیونکہ فیلڈ مارشل سید عاصم منیر نے قوم کو ایک ہی سبق دیا ہے کہ پاکستان ہمیشہ زندہ باد۔

نوٹ: یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔