لاہور میں گیس لیکج کے باعث دھماکا، 8 افراد جھلس گئے

دھماکے کی تفصیلات

لاہور(ڈیلی پاکستان آن لائن) لاہور میں اٹاری دربار کے قریب گیس لیکج کے باعث دھماکا ہو گیا جس سے 8 افراد زخمی ہوگئے۔

یہ بھی پڑھیں: پنجاب حکومت کے ٹیکس فری بجٹ کے اہم نکات

ریسکیو کی رپورٹ

نجی ٹی وی چینل دنیا نیوز کے مطابق ریسکیو ترجمان کا کہنا ہے کہ فیروزپور روڈ پراٹاری دربار کے قریب گھر میں گیس لیکج سے دھماکا ہوا ہے۔ دھماکے کے باعث آگ لگنے سے 8 افراد جھلس کر زخمی ہوگئے۔

یہ بھی پڑھیں: پاکستان اگر ابھیشیک بچن کو جلد آؤٹ کر لے تو یہ میچ جیت جائے گا، شعیب اختر کا قومی ٹیم کو مشورہ بھارت میں وائرل ہو گیا

جگہ کا معائنہ

بتایا گیا ہے کہ گھر کے کمرے میں گیس لیکج تھی، ہیٹر جلانے سے دھماکا ہو گیا۔ تمام زخمی افراد کو جنرل ہسپتال منتقل کر دیا گیا۔

یہ بھی پڑھیں: امید ہے کہ سعودی عرب جلد ابراہیمی معاہدے میں شامل ہو جائے گا، ٹرمپ

پاکپتن کا دھماکا

دوسری جانب پاکپتن کے علاقے چک شفیع میں سلنڈر ری فلنگ کے دوران دھماکا ہوا، جس سے دکان کی چھت اڑ گئی، بجلی کے تار بھی ٹوٹ گئے اور دکان میں آگ بھڑک اٹھی۔ ریسکیو نے آگ پر قابو پالیا۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟

ماضی کے واقعات

یاد رہے کہ ایک روز قبل گیس لیکج کے دھماکے سے اسلام آباد میں شادی کا گھر ماتم کدے میں تبدیل ہو گیا، دولہا دلہن سمیت 8 افراد جاں بحق ہوئے تھے۔

خطرات اور غفلت

خیال رہے کہ گیس سلنڈر اور گیس لیکج دھماکوں کے گزشتہ تین سال کے دوران صرف پنجاب میں 488 واقعات ہوئے جن میں 25 قیمتی جانیں ضائع ہوئیں۔ لیکن آج بھی متعلقہ اداروں کی غفلت اور لاپرواہی کے باعث کئی مقامات پر سلنڈرز کی غیر محفوظ موجودگی اور ری فلنگ جاری ہے。