خیبرپختونخوا حکومت کا عمران خان، آصف زرداری، نواز شریف سمیت دیگر اہم سیاسی شخصیات کے ناموں پر نمبر پلیٹس کی نیلامی کا فیصلہ

پشاور کی نیلامی

پشاور (ڈیلی پاکستان آن لائن) خیبرپختونخوا حکومت نے صدر آصف زرداری، سابق وزیراعظم نواز شریف اور بانی پی ٹی آئی سمیت دیگر اہم سیاسی شخصیات کے ناموں پر نمبر پلیٹس کی نیلامی کا فیصلہ کرلیا۔

یہ بھی پڑھیں: عمران خان کی 906 دن سے زائد ناحق قید کے بعد اب ان کی صحت سے متعلق خبریں پوری قوم کے لیے شدید تشویش کا باعث ہیں، حلیم عادل شیخ

نیلامی کی تفصیلات

نجی ٹی وی جیونیوز کے مطابق صوبائی وزیر ایکسائز اینڈ ٹیکسیشن فخر جہاں نے کہا کہ سیاسی و قومی شخصیات کے ناموں پر مشتمل فینسی اور یونیک چوائس نمبر پلیٹس کی نیلامی 27 جنوری کو نشتر ہال پشاور میں منعقد کی جائے گی۔

یہ بھی پڑھیں: میر عطا الرحمان مینگل قاتلانہ حملے میں جاں بحق، بیٹا زخمی

بولی کا آغاز

فخر جہاں کے مطابق فینسی نمبر پلیٹس کی بولی کا آغاز 10 لاکھ روپے سے ہوگا جب کہ سب سے زیادہ بولی دینے والے کو اپنی پسندیدہ سیاسی یا قومی شخصیت کے نام کی نمبر پلیٹ دی جائے گی۔

یہ بھی پڑھیں: 28ویں آئینی ترمیم میں مبینہ طور پر ووٹر کی عمر 18 سال سے بڑھا کر 25 سال کرنے کی بات سامنے آرہی ہے، صحافی ظفر نقوی

نئی آمدیں

ان کا کہنا تھا کہ مرحلہ وار دیگر قومی قیادت، معروف شخصیات، علاقوں اور اقوام کے نام سے منسوب نمبر پلیٹس بھی نیلامی میں شامل کی جائیں گی۔

یہ بھی پڑھیں: لاہور میں سموگ کے ڈیرے ، آلودہ ترین شہروں میں پھر پہلے نمبر پر آ گیا

شہریوں کی دلچسپی

صوبائی وزیر نے بتایا کہ نیلامی کے عمل میں گاڑی مالکان بھرپور دلچسپی لے رہے ہیں اور اس اقدام سے قومی خزانے کو نمایاں فائدہ پہنچے گا، یونیک نمبر پلیٹس کے حصول کے لیے شہریوں نے دستک ایپ کے ذریعے درخواستیں دینا شروع کردی ہیں۔

یہ بھی پڑھیں: چنگن نے کاروان کا نیا ماڈل لانچ کر دیا

درخواستوں کی معلومات

محکمہ ایکسائز اینڈ ٹیکسیشن خیبرپختونخوا کے مطابق فینسی نمبر پلیٹس کی نیلامی سے متعلق باقاعدہ اشتہار جاری کردیا گیا ہے جب کہ نیلامی میں شرکت کے لیے شہری دستک ایپ کے ذریعے درخواست جمع کرا سکتے ہیں۔