بگ بیش لیگ، آخری گیند پر سنگل نہ لینے پر بابر اعظم سٹیو سمتھ سے ناراض ہو گئے

پاکستانی سٹار بابر اعظم کا ناخوش لمحہ

ڈنی(ڈیلی پاکستان آن لائن) آسٹریلیا کی ٹی ٹوئنٹی لیگ بگ بیش میں سڈنی سکسرز کی نمائندگی کرنے والے پاکستانی سٹار بابر اعظم اوور کی آخری گیند پر ساتھی بیٹر سٹیو سمتھ کے سنگل لینے سے انکار پر ناخوش ہوگئے۔

یہ بھی پڑھیں: شاہ محمود قریشی کی اہلیہ جیل میں گرگئیں، ٹانگ فریکچر، ہسپتال منتقل

اننگز کے دوران واقعہ

جمعہ کو بگ بیش لیگ میں بابر اعظم اس وقت واضح طور پر ناخوش نظر آئے جب ان کے ساتھی کھلاڑی سٹیو سمتھ نے سڈنی تھنڈر کے خلاف بیٹنگ کے دوران اوور کی آخری گیند پر بابر کے شاٹ پر سنگل لینے سے انکار کر دیا۔

یہ بھی پڑھیں: ثانیہ زہرا قتل کیس، مقتولہ کے شوہر کو سزائے موت سنادی گئی۔

سوشل میڈیا پر ویڈیو کی جھلک

سوشل میڈیا پر شیئر کی گئی ویڈیو میں دیکھا جا سکتا ہے کہ سڈنی سکسرز کی اننگز کے 11ویں اوور کی آخری گیند پر بابر نے اسٹروک کھیلا لیکن سمتھ نے سنگل لینے سے انکار کیا تاکہ اگلے اوور میں وہ بولر کا سامنا کرسکیں۔

بابر اعظم 11 ویں اوور میں مسلسل 3 ڈاٹ بالز کھیل چکے تھے اور آخری گیند پرسنگل لے کر اگلے اوور میں دوبارہ اسٹرائیک لینے کے خواہاں تھے۔

یہ بھی پڑھیں: ویڈیو: مریم نواز کے بیٹے کا ولیمہ اور رات کو ڈکیتی

بابر کی مایوسی

تاہم سمتھ کی جانب سے سنگل رن لینے کے انکار پر بابر نے مایوسی کا اظہار کیا۔ البتہ سٹیو سمتھ نے اگلے اوور میں 4 چھکے اور چوکے کی مدد سے اوور میں 32 رنز بٹورے۔

سمتھ نے 42 گیندوں پر برق رفتار 100 رنز کی اننگز کھیلی جبکہ بابر اعظم نے 39 گیندوں پر 47 رنز بنائے۔ یوں سڈنی سکسرز نے سڈنی تھنڈرز کا 190 رنز کا ہدف با آسانی 18 ویں اوور میں پورا کرلیا۔