ہفتہ وار مہنگائی کی شرح میں مسلسل دوسرے ہفتے بھی اضافہ، ٹماٹر، گندم اور آٹے سمیت 13 اشیاء مہنگی

مہنگائی کی تازہ رپورٹ

اسلام آباد (ڈیلی پاکستان آن لائن) ہفتہ وار مہنگائی کی شرح میں مسلسل دوسرے ہفتے بھی اضافہ ریکارڈ کیا گیا، ایک ہفتے میں مہنگائی کی شرح 0.25 فیصد بڑھ گئی۔

یہ بھی پڑھیں: اگر پاکستان موجودہ رفتار سے چلتا رہا تو 2030 تک دنیا کے نمایاں کرپٹو لیڈرز میں شامل ہو سکتا ہے، سی زی کی بلال بن ثاقب سے گفتگو

سالانہ شرح میں اضافہ

ادارہ شماریات کی رپورٹ کے مطابق ہفتہ وار بنیادوں پر مہنگائی بڑھنے کی سالانہ شرح 3.87 فیصد ریکارڈ کی گئی۔

یہ بھی پڑھیں: بانی پی ٹی آئی اور بشریٰ بی بی کی اڈیالہ جیل میں ملاقات کرادی گئی، جو 30 منٹ تک جاری رہی

مہنگائی میں اضافہ اور کمی

رپورٹ کے مطابق ایک ہفتے کے دوران 13 اشیاء مہنگی اور 13 سستی ہو گئیں۔ گزشتہ ہفتے ٹماٹر فی کلو 18 روپے فی کلو، گندم کا 20 کلو آٹے کا تھیلا 76.78 روپے، انڈے فی درجن 7 روپے مہنگے ہوئے۔ ایل پی جی کا گھریلو سلنڈر 240.59 روپے مہنگا ہوا۔

مہنگائی کی مختلف اشیاء

ادارہ شماریات کے مطابق جلانے کی لکڑی، چینی، بچوں کا دودھ بھی مہنگی ہونے والی اشیاء میں شامل ہیں۔ آلو اور پیاز فی کلو 3 روپے، چکن فی کلو 7.44 روپے تک سستا ہوا، نمک، گڑ، چاول، دال ماش مسور بھی سستی ہوئی۔