موسم کا نیا سسٹم داخل، شدید سردی، بارش اور برفباری کی پیش گوئی

نئی موسمی صورتحال کا آغاز

لاہور (ویب ڈیسک) پنجاب میں موسم کا نیا سسٹم داخل ہوگیا جس کے بعد شدید سردی، بارش اور برفباری کی پیش گوئی کی گئی ہے۔

یہ بھی پڑھیں: وزیرداخلہ محسن نقوی کی اسحاق ڈار، ایاز صادق اور اعظم نذیر تارڑ سے اہم ملاقات، 27 ویں ترمیم کی منظوری حتمی مرحلے میں داخل

پی ڈی ایم اے کی جانب سے اہم معلومات

پی ڈی ایم اے کے مطابق آج سے مغربی ہواؤں کا سسٹم پنجاب میں داخل ہو رہا ہے جس کے باعث لاہور سمیت صوبے بھر میں شدید سردی اور دھند کی صورتحال بدستور برقرار رہے گی۔ 20 سے 23 جنوری کے دوران مری، گلیات اور دیگر پہاڑی علاقوں میں شدید برفباری اور بارش کا امکان ہے۔ اس دوران پنجاب کے بیشتر اضلاع میں بھی بارش متوقع ہے۔

یہ بھی پڑھیں: خیبرپختونخوا میں فی کلو آٹا 75 روپے سے بڑھ کر 145 روپے تک پہنچ گیا

الرٹ جاری کرنے کی ہدایت

ڈی جی پی ڈی ایم اے عرفان علی کاٹھیا کے مطابق ممکنہ خراب موسمی صورتحال کے پیش نظر لوکل گورنمنٹ، محکمہ صحت، ریسکیو 1122، پولیس، فاریسٹ ڈیپارٹمنٹ، سی اینڈ ڈبلیو، ٹورازم اور محکمہ ٹرانسپورٹ کو الرٹ جاری کر دیا گیا ہے۔ انہوں نے ہدایت کی ہے کہ ایمرجنسی کنٹرول رومز میں عملے کو 24 گھنٹے الرٹ رکھا جائے تاکہ کسی بھی ہنگامی صورتحال سے بروقت نمٹا جا سکے۔

یہ بھی پڑھیں: شادی سے ایک ماہ قبل منگیتر کی وفات سے دلبرداشتہ نوجوان نے خودکشی کرلی

لاہور میں درجہ حرارت کی پیشگوئی

محکمہ موسمیات کے مطابق لاہور میں کم سے کم درجہ حرارت 4 ڈگری سینٹی گریڈ جب کہ زیادہ سے زیادہ درجہ حرارت 14 ڈگری تک جانے کا امکان ہے۔ شہریوں کو ہدایت کی گئی ہے کہ خراب موسم کی صورت میں غیر ضروری سفر سے گریز کریں۔ مری جانے والے سیاح احتیاطی تدابیر اختیار کریں اور جاری کردہ ہدایات پر عمل کریں۔

سیاحوں کی سہولیات

ڈی جی عرفان علی کاٹھیا کے مطابق سیاحوں کی سہولیات کے لیے مری میں مختلف مقامات پر فسیلیٹیشن سنٹرز قائم کیے گئے ہیں۔ پی ڈی ایم اے نے عوام سے اپیل کی ہے کہ وہ جاری کردہ احتیاطی تدابیر پر عمل کریں، کسی بھی ایمرجنسی کی صورت میں پی ڈی ایم اے کی ہیلپ لائن 1129 پر رابطہ کریں۔