عثمان ڈار کا نام ای سی ایل سے نکالنے پر وزارت داخلہ کا جواب جمع
سماعت کا آغاز
لاہور(ڈیلی پاکستان آن لائن) لاہور ہائیکورٹ میں عثمان ڈار کا نام ای سی ایل سے نکالنے کی درخواست پر سماعت ہوئی، وزارت داخلہ نے اپنا تحریری جواب عدالت میں جمع کرا دیا۔
یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا؟
وزارت داخلہ کا جواب
نجی ٹی وی چینل دنیا نیوز کے مطابق وزارت داخلہ کے جواب کے مطابق عثمان ڈار کے خلاف 9 مئی کو جی ایچ کیو پر حملے کے مقدمے میں کیس درج ہے۔ جواب میں بتایا گیا کہ راولپنڈی پولیس کی درخواست پر درخواست گزار کا نام ای سی ایل میں شامل کیا گیا۔
یہ بھی پڑھیں: کابل سے بھارتی سفارتکار کو کیوں نکالا گیا ؟ اصل کہانی سامنے آ گئی
عدالت کی کارروائی
سماعت کے دوران عدالت نے ٹرائل کورٹ میں ہونے والی کارروائی کا مصدقہ تحریری فیصلہ طلب کرتے ہوئے کیس کی مزید سماعت ملتوی کر دی۔
وکیل کی موجودگی
یہ درخواست جسٹس ساجد محمود سیٹھی نے سنی، جبکہ عثمان ڈار کی جانب سے وکیل ابوذر سلمان نیازی عدالت میں پیش ہوئے۔ عثمان ڈار نے اپنا نام ای سی ایل سے نکلوانے کیلئے لاہور ہائیکورٹ میں باقاعدہ درخواست دائر کر رکھی ہے۔
