سمندر پار پاکستانی مسلم لیگ ن کے لیے انتہائی اہم ہیں، چوہدری طارق سبحانی

چوہدری طارق سبحانی کا بیان

جدہ (محمد اکرم اسد) رکن پنجاب اسمبلی و چیئرمین لینڈ ریکارڈ اتھارٹی ریونیو پنجاب چوہدری طارق سبحانی نے کہا ہے کہ سمندر پار پاکستانی مسلم لیگ ن کے لیے انتہائی اہم ہیں اور حکومت پنجاب کی کوشش ہے کہ اوورسیز پاکستانیوں کو اپنی جائیدادوں اور دیگر سرکاری امور میں درپیش مسائل سے نجات دلائی جائے تاکہ وہ یکسو ہو کر اپنی ملازمتوں اور ذمہ داریوں پر توجہ دے سکیں۔

یہ بھی پڑھیں: وزارت توانائی کی ہدایت پر لیسکو میں سولر گرین میٹر پر پابندی عائد

عشائیے کا انعقاد

ان خیالات کا اظہار انہوں نے چیئرمین مسلم لیگ ن چوہدری محمد اکرم کی جانب سے اپنے اعزاز میں دیے گئے عشائیے سے خطاب کرتے ہوئے کر رہے تھے۔ اس عشائیے میں جدہ میں موجود تمام سیاسی، سماجی اور کمیونٹی فورمز کی بھرپور نمائندگی موجود تھی۔

یہ بھی پڑھیں: نائیک سیف علی جنجوعہ شہید( نشان حیدر )کا آج 76واں یوم شہادت

لینڈ ریکارڈ کی جدید پیشرفت

چیئرمین لینڈ ریکارڈ اتھارٹی نے اپنے محکمے کی کارکردگی پر روشنی ڈالتے ہوئے کہا کہ لینڈ ریکارڈ کو مکمل طور پر آن لائن کیا جا رہا ہے، برطانیہ میں قائم کیے گئے خصوصی ڈیسک کی طرز پر دنیا بھر میں اوورسیز پاکستانیوں کے لیے خصوصی سہولت ڈیسک قائم کیے جائیں گے۔

یہ بھی پڑھیں: بھارتی لڑکی کا انوکھا مشغلہ، اپنے شکار کئے گئے مچھروں کا بائیو ڈیٹا جمع کرنے لگی

وزیر اعلیٰ پنجاب کا کردار

چوہدری طارق سبحانی نے اپنے خطاب میں کہا کہ وزیر اعلیٰ پنجاب مریم نواز نے پنجاب کا مجموعی ماحول تبدیل کر دیا ہے اور عوام کو ہر ممکن سہولت فراہم کرنے کے لیے دن رات کام کر رہی ہیں۔ مخالفت کرنا اپوزیشن کا حق ہے، مگر تمام تر مخالفت کے باوجود آخرکار مخالفین بھی یہ تسلیم کرنے پر مجبور ہیں کہ پنجاب میں مثبت تبدیلی آئی ہے اور واقعی کام ہو رہا ہے۔ اگر یہ کہا جائے کہ وزیر اعلیٰ پنجاب مریم نواز نے اپنے والد سابق وزیر اعظم محمد نواز شریف اور چچا سابق وزیر اعلیٰ محمد شہباز شریف سے بھی زیادہ کام کیا ہے تو یہ غلط نہ ہوگا۔ انہوں نے کہا کہ مریم نواز کی کارکردگی دیکھ کر سیاسی مخالفین اس فکر میں مبتلا ہیں کہ آئندہ انتخابات میں مسلم لیگ ن کو پنجاب میں کیسے شکست دی جا سکتی ہے۔

یہ بھی پڑھیں: لاہور میں 3 روز کے دوران 54 کروڑ روپے سے زائد کی ڈور اور گڈی فروخت، کائٹ ایسوسی ایشن کا دعویٰ

میزبان چوہدری محمد اکرم کی تعریف

چوہدری طارق سبحانی نے میزبان چوہدری محمد اکرم کو خراج تحسین پیش کرتے ہوئے کہا کہ وہ ان کے استاد بھی ہیں اور بھائی بھی، اور انہوں نے سیاست کے بہت سے رموز انہی سے سیکھے ہیں۔ انہوں نے خوشی کا اظہار کیا کہ چوہدری اکرم نے انہیں جدہ میں پاکستانیوں کے اس خوبصورت گلدستے میں مدعو کیا اور اس بات پر مسرت کا اظہار کیا کہ تمام مکاتب فکر کے لوگ ایک چھت تلے جمع ہیں۔

یہ بھی پڑھیں: اگر افغان طالبان دہشت گرد تنظیموں کی حمایت ترک کریں گے تو ہی دونوں فریقین کے درمیان امن ہو سکتا ہے، فیلڈ مارشل سید عاصم منیر

سابق مشیروں اور دیگر مقررین کا کردار

عشائیے سے خطاب کرنے والوں میں سابق مشیر وزیر اعلیٰ پنجاب چوہدری اظہر عباس وڑائچ، پاکستان پیپلز پارٹی کے صدر تصور چوہدری، کنوینئر پاکستان قومی یکجہتی فورم سردار وقاص عنایت اللہ خان، ویلفیئر فورم کے شریف زمان، جموں و کشمیر اوورسیز کمیٹی کے چیئرمین انجینئر عارف مغل، صدر رابطہ کمیٹی راجہ محمد ریاض، مسلم کانفرنس کے صدر سردار اشفاق اور جنرل سیکریٹری پاکستان قومی یکجہتی فورم چوہدری ظہیر احمد شامل تھے۔ تمام مقررین نے چوہدری طارق سبحانی کو جدہ آمد پر خوش آمدید کہا اور عمرہ کی سعادت حاصل کرنے پر مبارکباد دی۔

یہ بھی پڑھیں: پی ٹی آئی کا مذاکرات نہ ہونے کی صورت میں سول نافرمانی کی تحریک کا عندیہ

میزبان کی شکرگزاری

تقریب سے قبل میزبان اور چیئرمین مسلم لیگ ن چوہدری محمد اکرم نے تمام مہمانوں کا شکریہ ادا کیا اور وڑائچ خاندان سے اپنی دیرینہ وابستگی کا ذکر کیا اور سبحانی خاندان کی خدمات پر خصوصی روشنی ڈالی۔

تقریب میں شرکت کرنے والوں کی فہرست

اس موقع پر چیئرمین مسلم لیگ ن جدہ ریجن میاں رضوان الحق، سینئر نائب صدر نور محمد آرائیں، نائب صدر چوہدری فاروق انجم، سیکریٹری اطلاعات چوہدری احسان الٰہی گجر، صدر جدہ ریجن عمر مسعود پوری، صدر ٹریڈ ونگ علی خورشید ملک، چوہدری اقبال گجر، چوہدری مرتضیٰ گجر، رانا شہباز، ملک کاشف، چوہدری طیب گجر، حاجی صدیق، امتیاز قریشی، یارانِ جدہ کے اراکین اور صحافتی برادری کی بڑی تعداد نے شرکت کی۔