چاروں طرف سے پھنس گیا ہوں، سانحہ گل پلازہ میں انتقال کرنیوالے شہری کا آخری مبینہ آڈیو پیغام سامنے آگیا۔

کراچی: گل پلازہ میں آگ سے خوفناک صورتحال

کراچی (ڈیلی پاکستان آن لائن) - کراچی کے ایم اے جناح روڈ پر واقع گل پلازہ میں لگی آگ کے دوران انتقال کر جانے والے ایک شہری کا مبینہ آڈیو پیغام سوشل میڈیا پر وائرل ہوگیا۔

یہ بھی پڑھیں: بنوں میں اسسٹنٹ کمشنر میرانشاہ کی گاڑی پر حملہ، 2 پولیس اہلکاروں سمیت 3 افراد جاں بحق

آگ بجھانے میں 33 گھنٹے

نجی ٹی وی چینل جیو نیوز کے مطابق، گل پلازہ میں لگی آگ کو 33 گھنٹے بعد مکمل طور پر بجھایا گیا، جبکہ سرچ آپریشن کے دوران مزید 8 افراد کی لاشیں نکالی گئیں۔ اس کے بعد جاں بحق افراد کی تعداد 14 ہوگئی۔

یہ بھی پڑھیں: اینٹوں کے بھٹوں کی ڈیجیٹلائزیشن اور بچوں کی مزدوری کا خاتمہ’’یہ محض اصلاحات نہیں،انسانی حقوق کا انقلاب ہے۔ الحمدللہ‘‘مریم اورنگزیب

آتشزدگی کی شدت

گل پلازہ میں آگ ہفتے کی رات سوا 10 بجے کے قریب لگی، گراؤنڈ فلور پر لگنے والی آگ دیکھتے ہی دیکھتے تیسری منزل تک پہنچ گئی، جس کے نتیجے میں عمارت کے کئی حصے گر گئے۔

یہ بھی پڑھیں: پنجاب اسمبلی میں اپوزیشن کی بانی پی ٹی آئی کی تصاویر لے کر نعرے بازی، کسانوں کو ریلیف دینے کا مطالبہ، وزراء کی غیر حاضری پر کڑی تنقید

وائرل آڈیو پیغام

اسی دوران سوشل میڈیا پر ایک آڈیو سامنے آئی ہے جس کے بارے میں بتایا جا رہا ہے کہ یہ گل پلازہ میں پھنسے ایک شہری کی ہے جو اپنے اہلخانہ کو صورتحال سے آگاہ کرتے ہوئے معافی مانگ رہا ہے۔

یہ بھی پڑھیں: وینزویلا کی نائب صدر ڈیلسی روڈریگز نے باضابطہ طور پر ملک کی عبوری صدر کے عہدے کا حلف اٹھالیا

شہری کا پیغام

شہری کا کہنا ہے کہ 'السلام علیکم، میں چاروں اطراف سے پھنس چکا ہوں، بہت خطرناک قسم کی آگ لگی ہے، میرا نکلنا بہت مشکل ہوگیا ہے، مجھ سے کوئی غلطی یا کوتاہی ہوگئی ہو تو مجھے معاف کر دینا'۔

آڈیو کی ناقابل شناختی

شہری کی آڈیو میں کھانسنے اور دروازہ توڑنے و کھڑکی توڑنے کی آوازیں بھی سنی جا سکتی ہیں۔ تاہم آڈیو بھیجنے والے شخص کی فی الحال شناخت نہیں ہو سکی ہے۔