سانحہ گل پلازہ پر جماعت اسلامی نے سندھ اسمبلی میں تحریک التوا جمع کرادی

تحریک التوا کی جمع کرائی گئی

کراچی (ڈیلی پاکستان آن لائن) سانحہ گل پلازہ پر جماعت اسلامی نے سندھ اسمبلی میں تحریک التوا جمع کرادی۔

یہ بھی پڑھیں: محکمہ موسمیات نے لاہور سمیت ملک بھر میں بارشوں کی پیش گوئی کردی

سانحہ نے نظام کو بے نقاب کیا

سندھ اسمبلی میں جماعت اسلامی کے پارلیمانی لیڈر محمد فاروق نے تحریک التوا میں کہا کہ سانحہ گل پلازہ نے کراچی کے کرپٹ اور بوسیدہ نظام کو بے نقاب کردیا ہے۔ فائر بریگیڈ کی کارکردگی پر سنگین سوالات اٹھ گئے ہیں، اور غفلت کے ذمہ داروں کا تعین کیا جانا چاہئے۔ انہوں نے مزید کہا کہ اس واقعے میں 1200 دکانوں پر مشتمل گل پلازہ میں آتشزدگی اور قیمتی جانوں کے ضیاع پر دکھ میں مبتلا ہوں۔ کراچی بلڈنگ اینڈ ٹاؤن پلاننگ ریگولیشن پر عملدرآمد نہ ہونے کی وجہ سے شہر میں مزید مخدوش عمارتیں وجود میں آرہی ہیں۔

یہ بھی پڑھیں: ایرانی سفیر رضا امیری مقدم کا پاک بحریہ کے نام تعریفی پیغام

متاثرین کے لیے یکجہتی کا اظہار

جماعت اسلامی کے رکن محمد فاروق نے کہا کہ سانحہ کے متاثرین کی آہ و بکاء ہمارے کانوں میں گونج رہی ہے اور ان کے لئے یہ قیامت سے کم نہیں تھی۔ حکومتی نمائندے وہاں موجود نہیں تھے اور ابھی تک کوئی ایک شخص بھی ایسا نہیں جو حادثے کی ذمہ داری قبول کرے اور استعفی دے۔ میں جماعت اسلامی کی طرف سے تمام متاثرہ خاندانوں سے اظہار یکجہتی کرتا ہوں کیونکہ اس سانحے نے حکومتی بوسیدہ نظام کو بے نقاب کیا ہے۔

فائر بریگیڈ کی ناکامی اور حکومتی بے حسی

محمد فاروق نے مزید کہا کہ کراچی بلڈنگ کنٹرول اتھارٹی کا عملہ اپنی ذمہ داریوں سے غافل ہے اور غیر قانونی تعمیرات کی سرپرستی میں ملوث ہے۔ انہوں نے رشوت خوری کا بازار گرم کیا ہوا ہے جبکہ قابض میئر کو کچھ نظر نہیں آرہا۔ تاجروں نے بتایا کہ جہازوں کی آمد میں تاخیر ہوئی اور کبھی پانی ختم تو کبھی ڈیزل، ان کے پاس آگ بجھانے کے جدید آلات موجود نہیں تھے۔ فائر بریگیڈ عملے کے پاس ماسک بھی نہیں تھے۔ اس سانحے میں ملوث کمشنر کی سربراہی میں کمیٹی قائم کردی گئی ہے، جبکہ حکمرانوں کو اپنی ذمہ داری قبول کرنی چاہیے اور وزراء کے استعفی بھی سامنے آنے چاہئیں۔