متحدہ عرب امارات میں اس وقت 3 ہزار 523 پاکستانی قید ہیں،تفصیلات قومی اسمبلی میں پیش

متحدہ عرب امارات میں قید پاکستانیوں کی تفصیلات

اسلام آباد (ڈیلی پاکستان آن لائن) متحدہ عرب امارات میں قید پاکستانیوں کی تفصیلات قومی اسمبلی میں پیش کر دی گئیں۔

یہ بھی پڑھیں: بھارت نے 214 ارب ڈالر کے جوہری منصوبوں کا اعلان کر دیا

پاکستانی قیدیوں کی تعداد

وزارت خارجہ کے تحریری جواب کے مطابق متحدہ عرب امارات میں اس وقت 3 ہزار 523 پاکستانی قید ہیں، جن میں سے 1050 پاکستانی شہری ابو ظہبی کی مختلف جیلوں اور بحالی مراکز میں قید ہیں۔

قانونی معاونت اور معافی کی درخواستیں

تحریری جواب میں بتایا گیا کہ نومبر 2025 تک 769 پاکستانی قیدیوں کو قانونی معاونت فراہم کی گئی ہے، پاکستانی قیدیوں کے لیے معافی کی درخواستیں باقاعدگی سے ارسال کی جاتی ہیں ۔ 2025 کے دوران ابو ظہبی حکومت کو 350 معافی کی درخواستیں جمع کرائی گئیں۔