راجن پور پولیس کے کچہ آپریشن کے دوران مزید انتہائی مطلوب 18 ڈاکوؤں نے سرنڈر کر دیا

پنجاب پولیس کا کامیاب آپریشن

لاہور (ڈیلی پاکستان آن لائن) پنجاب پولیس کا کچہ کریمنلز کے خلاف آپریشن کامیابی سے جاری ہے، راجن پور پولیس کی کارروائی کے دوران مزید 18 انتہائی مطلوب ڈاکوؤں نے سرنڈر کر دیا۔

یہ بھی پڑھیں: سیاحوں کے ساتھ دھو کہ دہی اور لوٹ مار دیکھ کر غصہ بہت آیا،فرعون کا ننھا سا تابوت جو 12پاؤنڈ کا تھا یہاں سے صرف 2پاؤنڈ میں مل گیا

مطلوب ڈاکوؤں کی فہرست

ترجمان پنجاب پولیس کے مطابق ہتھیار ڈالنے والوں میں ایک کروڑ روپے سر کی قیمت کا بدنام ڈاکو وہاب لونڈ اور دیگر مختلف گینگز کے سرغنہ شامل ہیں۔ ان میں 50 لاکھ روپے سر کی قیمت والا بدنام ڈاکو شاہدین لونڈ بھی موجود ہے۔

یہ بھی پڑھیں: 60 کلومیٹر چوڑا شہاب ثاقب، جس کے گرنے سے زمین پر 500 کلومیٹر کا گڑھا بنا، سمندر اُبل پڑا مگر جانداروں کی زندگی بچ گئی۔

راجن پور پولیس کی کاروائیاں

راجن پور پولیس کے آپریشن کے نتیجے میں گزشتہ روز بھی 11 ڈاکوؤں نے اسلحہ سمیت پولیس کے سامنے سرنڈر کیا تھا۔ دو روز میں سرنڈر کرنے والے ڈاکوؤں کی مجموعی تعداد 29 ہو گئی ہے۔

یہ بھی پڑھیں: پارلیمنٹ کا مشترکہ اجلاس کل طلب کرنے کے لئے صدر مملکت کو سمری ارسال

ڈی پی او راجن پور کا بیان

ڈی پی او راجن پور محمد عمران کا کہنا ہے کہ ہتھیار ڈالنے والے ڈاکو پولیس اہلکاروں کی شہادت، قتل، اغوا، ڈکیتی سمیت سنگین مقدمات میں مطلوب تھے۔ گرفتار ڈاکوؤں کو قانون کے مطابق قرار واقعی سزا دلوائی جائے گی۔

جرائم کے خلاف گرینڈ آپریشن

کچہ کراچی اور کچہ عمرانی میں پنجاب پولیس کا گرینڈ آپریشن جاری ہے، جس میں ڈرونز کی مدد سے ڈاکوؤں کے ٹھکانے نشانہ بنائے جا رہے ہیں۔ آپریشن کے دوران ڈاکوؤں کے بیشتر ٹھکانے تباہ کر دیے گئے ہیں اور متعدد ڈاکو شدید زخمی ہو چکے ہیں۔