راجن پور پولیس کے کچہ آپریشن کے دوران مزید انتہائی مطلوب 18 ڈاکوؤں نے سرنڈر کر دیا

پنجاب پولیس کا کامیاب آپریشن

لاہور (ڈیلی پاکستان آن لائن) پنجاب پولیس کا کچہ کریمنلز کے خلاف آپریشن کامیابی سے جاری ہے، راجن پور پولیس کی کارروائی کے دوران مزید 18 انتہائی مطلوب ڈاکوؤں نے سرنڈر کر دیا۔

یہ بھی پڑھیں: پاکستان میں گاڑیوں کی فروخت میں ریکارڈ اضافہ، آٹو سیکٹر نے جنوری 2026 میں نئی تاریخ رقم کر دی۔

مطلوب ڈاکوؤں کی فہرست

ترجمان پنجاب پولیس کے مطابق ہتھیار ڈالنے والوں میں ایک کروڑ روپے سر کی قیمت کا بدنام ڈاکو وہاب لونڈ اور دیگر مختلف گینگز کے سرغنہ شامل ہیں۔ ان میں 50 لاکھ روپے سر کی قیمت والا بدنام ڈاکو شاہدین لونڈ بھی موجود ہے۔

یہ بھی پڑھیں: زندگی بدلنے والی سبق آموز داستان

راجن پور پولیس کی کاروائیاں

راجن پور پولیس کے آپریشن کے نتیجے میں گزشتہ روز بھی 11 ڈاکوؤں نے اسلحہ سمیت پولیس کے سامنے سرنڈر کیا تھا۔ دو روز میں سرنڈر کرنے والے ڈاکوؤں کی مجموعی تعداد 29 ہو گئی ہے۔

یہ بھی پڑھیں: لاہور؛ گھر سے ایک شخص کی گردن کٹی لاش برآمد

ڈی پی او راجن پور کا بیان

ڈی پی او راجن پور محمد عمران کا کہنا ہے کہ ہتھیار ڈالنے والے ڈاکو پولیس اہلکاروں کی شہادت، قتل، اغوا، ڈکیتی سمیت سنگین مقدمات میں مطلوب تھے۔ گرفتار ڈاکوؤں کو قانون کے مطابق قرار واقعی سزا دلوائی جائے گی۔

جرائم کے خلاف گرینڈ آپریشن

کچہ کراچی اور کچہ عمرانی میں پنجاب پولیس کا گرینڈ آپریشن جاری ہے، جس میں ڈرونز کی مدد سے ڈاکوؤں کے ٹھکانے نشانہ بنائے جا رہے ہیں۔ آپریشن کے دوران ڈاکوؤں کے بیشتر ٹھکانے تباہ کر دیے گئے ہیں اور متعدد ڈاکو شدید زخمی ہو چکے ہیں۔