بھارتی ریاست اتر پردیش میں گھر میں باجماعت نماز ادا کرنے پر 12 افراد گرفتار

بریلی میں نماز کے دوران پولیس کارروائی

بریلی (مانیٹرنگ ڈیسک) بھارت کی ریاست اتر پردیش کے ضلع بریلی میں پولیس نے ایک گھر میں باجماعت نماز ادا کرنے پر 12 افراد کو گرفتار کر لیا۔

یہ بھی پڑھیں: اوور بلنگ کے نام پر بجلی صارفین سے 244 ارب روپے وصول کیے گئے، آڈٹ رپورٹ میں انکشاف

سوشل میڈیا پر وائرل ویڈیو

کشمیر میڈیا سروس کے مطابق، سوشل میڈیا پر ایک ویڈیو وائرل ہوئی تھی جس میں گاؤں کے مسلمان ایک گھر کے اندر باجماعت نماز ادا کر رہے تھے۔

یہ بھی پڑھیں: گلوکاری شروع کی تو خاندان والوں نے والد سے تعلق توڑ دیے، معروف گلوکارہ حمیرا چنا

پولیس کارروائی اور گرفتاریاں

بھارتی میڈیا کے مطابق، مقامی افراد نے پولیس کو اطلاع دی کہ ایک خالی مکان کو مبینہ طور پر کئی ہفتوں سے عارضی مسجد کے طور پر استعمال کیا جا رہا ہے۔ اس اطلاع پر پولیس نے کارروائی کرتے ہوئے امن و امان خراب کرنے کے الزام میں 12 افراد کو گرفتار کر لیا۔

یہ بھی پڑھیں: اسلام آباد سلنڈر دھماکے کی ابتدائی تحقیقاتی رپورٹ مکمل، جاں بحق افراد سپردِ خاک

نماز کی ادائیگی کی حیثیت

مالک مکان کی اجازت اور مرضی سے گاؤں کے مسلمان وہاں نماز ادا کر رہے تھے۔

تحقیقات اور ضمانت

پولیس کے مطابق، ابتدائی تحقیقات سے معلوم ہوا کہ وہ خالی مکان حنیف نامی شخص کی ملکیت ہے اور اسے عارضی طور پر جمعہ کی نماز کے لیے استعمال کیا جا رہا تھا۔ گرفتار کیے گئے تمام 12 افراد کو مجسٹریٹ کے سامنے پیش کیا گیا جہاں عدالت نے انہیں ضمانت پر رہا کر دیا۔