چترال میں نایاب نسل کا برفانی چیتا پُر اسرار طور پر ہلاک

برفانی چیتے کی لاش کی دریافت

چترال(ڈیلی پاکستان آن لائن) ضلع چترال کے گرم چشمہ کے پہاڑی علاقے میں دنیا کی قیمتی اور نایاب نسل کے برفانی چیتے (سنو لیپرڈ) کی لاش برآمد ہوئی ہے۔

یہ بھی پڑھیں: آئینی ترمیم سے عدلیہ میں سیاسی مداخلت کا راستہ ہموار ہوا: بیرسٹر سیف

محکمہ جنگلی حیات کی تحقیقات

نجی ٹی وی چینل ایکسپریس نیوز کے مطابق محکمہ جنگلی حیات خیبرپختونخوا کا کہنا ہے کہ برفانی چیتا مردہ حالت میں پایا گیا جس کے بعد واقعے کی اطلاع متعلقہ حکام کو دی گئی۔ وائلڈ لائف ڈیپارٹمنٹ کا کہنا ہے کہ سنو لیپرڈ کا پوسٹ مارٹم کیا جائے گا تاکہ موت کی وجوہات کا تعین کیا جا سکے۔

یہ بھی پڑھیں: لاہور دنیا کے آلودہ ترین شہروں میں سرفہرست

موت کی وجوہات کی جانچ

محکمے کے مطابق پوسٹ مارٹم رپورٹ کی روشنی میں یہ معلوم کیا جائے گا کہ برفانی چیتے کی موت طبعی وجوہات، بیماری، شکار یا کسی اور سبب سے ہوئی۔

یہ بھی پڑھیں: پاکستان بنگلہ دیش سیریز کا شیڈول کا اعلان کیا گیا

نایاب نسل کی بقا کی کوششیں

واضح رہے کہ چند ماہ قبل بھی وادی چترال میں برفانی چیتے کی موجودگی کی اطلاعات سامنے آئی تھیں، جسے علاقے میں اس نایاب نسل کی بقا کے لیے ایک مثبت پیش رفت قرار دیا گیا تھا۔

تحقیقات کا آغاز

محکمہ وائلڈ لائف نے واقعے کا نوٹس لیتے ہوئے برفانی چیتے کی موت سے متعلق تفصیلی رپورٹ طلب کر لی ہے، جبکہ مزید تحقیقات کا سلسلہ جاری ہے۔