مخالفین کے ساتھ کوئی دشمنی نہیں ، بہتر ہے صلح صفائی ہو ، فی الحال اسٹیبلشمنٹ سے کوئی رابطہ نہیں اگر ہوا تو چھپائیں گے نہیں، بیرسٹر گوہر

بیرسٹر گوہر کا بیان

راولپنڈی (ڈیلی پاکستان آن لائن) پی ٹی آئی کے چیئرمین بیرسٹر گوہر نے کہا ہے کہ مخالفین کے ساتھ کوئی دشمنی نہیں۔ بہتر ہے صلح صفائی ہو لیکن اگر حکومت ایک طرف ہاتھ ملائے اور دوسرے سے مکا مارے تو حالات بہتر نہیں ہوں گے۔ فی الحال اسٹیبلشمنٹ سے کوئی رابطہ نہیں، اگر ہوا تو ہم اسے چھپائیں گے نہیں۔

یہ بھی پڑھیں: غذر میں چرواہے نے گلیشیئر پھٹنے کی بروقت اطلاع دیکر سینکڑوں افراد کی جان بچالی

چیف جسٹس سے ملاقات کی کوشش

راولپنڈی میں نجی ہاؤسنگ سوسائٹی ناکے پر میڈیا سے گفتگو کرتے ہوئے بیرسٹر گوہر خان نے کہا کہ ہم چیف جسٹس آف پاکستان سے دوبارہ ملاقات کی کوشش کر رہے تھے لیکن وہ مصروف ہیں۔ ہم نے ملاقات کے لیے 3 گھنٹے تک انتظار کیا۔ بانی پی ٹی آئی سے ملاقاتیں ہمارا آئینی اور قانونی حق ہے، اور ہم نے تین بہنوں کو ملاقات کرنی ہے جبکہ باقی لوگ یہاں اظہار یک جہتی کے لیے آتے ہیں۔

یہ بھی پڑھیں: ملک کے بڑے دریاؤں میں پانی کی آمد میں کمی ریکارڈ

پی ٹی آئی کے الزامات

ان کا کہنا تھا کہ خیبرپختونخوا میں پی ٹی آئی کی حکومت پر الزامات نہیں لگنے چاہئیں۔ حکومت خیبرپختونخوا کو بھی ایسے کام نہیں کرنے چاہئیں جس سے ان پر الزامات لگ جائیں۔ جو لوگ الزامات لگاتے ہیں ان سے گزارش ہے کہ وہ ثبوت بھی لائیں۔

یہ بھی پڑھیں: لاہور میں 2 روز کے دوران ٹریفک قوانین کی خلاف ورزی پر سیکڑوں مقدمات درج، گرفتار 415 ملزمان کی ضمانتیں منظور

عدلیہ اور انصاف

مقدمات سے متعلق بات کرتے ہوئے انہوں نے کہا کہ 17 جنوری 2025 کو القادر میں سزا ہوئی، ایک سال سے اپیل نہیں لگ رہی ہے۔ بانی پی ٹی آئی اور بشریٰ بی بی کو ابھی تک ضمانت نہیں ملی۔ عدلیہ سے درخواست ہے کہ لوگوں کو انصاف ان کی دہلیز پر ملنی چاہیے۔ جب انصاف کے دروازے بند ہو جاتے ہیں تو لوگ قانون ہاتھ میں لیتے ہیں۔

یہ بھی پڑھیں: اصول بنا لئے ہیں کسی کی پگڑی نہیں اچھالیں گے: چیئرمین نیب

بیک ڈور رابطے کا انکار

انہوں نے کہا کہ ہم بالکل واضح ہیں کہ اگر کوئی بیک ڈور رابطہ ہوتا ہے تو ہم نہیں چھپائیں گے۔ ہمارا فی الوقت اسٹیبلشمنٹ سمیت کسی سے کوئی رابطہ نہیں، علامہ راجا ناصر عباس اور محمود خان اچکزئی پر بڑی ذمہ داری ہے۔

یہ بھی پڑھیں: جو روٹ نے کرکٹ فینز کے دل جیت لیے، نابینا مداح سے ملاقات کی ویڈیو وائرل

پارٹی معاملات

انہوں نے کہا کہ پارٹی کے اندرونی معاملات پر عوام میں بات نہیں کرتا۔ پارلیمانی پارٹی کے اجلاس میں کچھ اس طرح کی باتیں ہوئیں، اور میں نے اجلاس مؤخر کردیا۔ مخالفین کے ساتھ کوئی دشمنی نہیں، بہتر ہے کہ صلح صفائی ہو۔

یہ بھی پڑھیں: انتخابی نظام غیراسلامی قرار دینے کے حوالے سے درخواستیں واپس لینے کی بنیاد پر نمٹادیں گئی۔

اپوزیشن لیڈرز کے نوٹیفکیشن

انہوں نے کہا کہ اپوزیشن لیڈرز کے نوٹیفکیشن کو اچھا اقدام سمجھتا ہوں، یہ نوٹیفکیشنز ایوان اور جمہوریت کے لیے اچھے ہیں۔ حکومت اگر ایک ہاتھ سے ہاتھ ملائے اور دوسرے ہاتھ سے مکا مارے تو حالات بہتر نہیں ہوں گے۔

یہ بھی پڑھیں: وزیراعلیٰ مریم نواز کی پنجاب سہولت بازار اتھارٹی آفس آمد، سہولت بازار صوبائی کنٹرول روم کا دورہ، کسٹمر کو لائیو کال کرکے فیڈ بیک لیا

احتجاج کا اعلان

بیرسٹر گوہر نے کہا کہ ہم نے حکومت کو کہا ہے کہ دونوں ہاتھ ملائیں تو بات بنے گی۔ 8 فروری ہمارا علامتی دن ہے، جب ہمارا مینڈیٹ چوری ہوا تھا۔ ہم اس دن اپنا احتجاج ریکارڈ کرائیں گے اور ہمارا احتجاج پرامن ہوگا۔

اسپیکر کا شکریہ

ان کا کہنا تھا کہ میں اسپیکر کا مشکور ہوں کہ انہوں نے یہ نوٹیفکیشن کیا۔ میں نہیں سمجھتا کہ اپوزیشن لیڈر کے نوٹیفکیشن میں کسی اور کا کوئی کردار ہے۔