خواجہ آصف نے اختیارات کی نچلی سطح پر منتقلی نہ ہونے پر 18ویں ترمیم کو ڈھکوسلا قرار دے دیا

سانحہ گل پلازہ پر وزیر دفاع کا اظہار افسوس

اسلام آباد (ڈیلی پاکستان آن لائن) وزیر دفاع خواجہ محمد آصف نے سانحہ گل پلازہ پر افسوس کا اظہار کرتے ہوئے اختیارات کی نچلی سطح پر منتقلی نہ ہونے پر 18ویں ترمیم کو ڈھکوسلا قرار دیا۔

یہ بھی پڑھیں: پاکستان کرکٹ بورڈ نے ٹی ٹوئنٹی ورلڈکپ کے لیے ابتدائی اسکواڈ کے نام آئی سی سی کو بھجوادیے

قومی اسمبلی میں خطاب

قومی اسمبلی اجلاس سے خطاب میں انہوں نے کہا کہ 18ویں ترمیم کے ذریعے سارے اختیارات صوبائی حکومت کو منتقل ہوگئے ہیں، اتفاق رائے تھا کہ لوکل گورنمنٹ کو اختیارات منتقل کیے جائیں۔ گل پلازہ میں آتشزدگی کا یہ واقعہ ہمارے سسٹم کی تباہی کی نشانی ہے۔

یہ بھی پڑھیں: 190 ملین پاؤنڈ ریفرنس؛ احتساب عدالت کی ملزمان کو 342کے سوالنامے کے جواب جمع کروانے کی ہدایت

ماضی کے حکمرانوں کا ذکر

خواجہ آصف نے اعتراف کیا کہ آمر ایوب خان، آمر ضیاء الحق اور آمر پرویز مشرف کے ادوار میں مقامی حکومتوں کے انتخابات کرائے گئے۔ ہماری جمہوری حکومتوں نے لوکل گورنمنٹ الیکشن نہیں کرائے، بلکہ اگر ان انتخابات کا شیڈول بھی آیا تو ہم نے مختلف بہانے بنا ڈالے۔

یہ بھی پڑھیں: صوبائی وزیر مائنز اینڈ منرل سردار شیر علی گورچانی کا دورہ ساہیوال، اہم اجلاس کی صدارت کی

لوکل گورنمنٹ کی اہمیت

وزیر دفاع کا کہنا تھا کہ چین میں موجودہ صدر ایک سیاسی عمل سے ابھر کر سامنے آئے، لوکل گورنمنٹ سے لیڈرشپ پیدا ہوتی ہے اور ایسے عمل سے آگے بڑھتی ہے۔ آگ کا واقعہ ہمارے سسٹم کی تباہی کی نشانی ہے، ملک میں عوام کو مضبوط کرنے کے لیے لوکل گورنمنٹ کو مضبوط کرنا ہوگا۔ خواہش ہے کہ ایک مضبوط لوکل گورنمنٹ سسٹم ہو تاکہ ملک آگے بڑھ سکے۔ ایک ایسا نظام تعلیم ہونا چاہیے کہ وفاق سمیت صوبوں کو بھی نئی نسل پہچانے، یکساں نظام تعلیم ایک قوم بناتا ہے لیکن ایسا نہ ہو سکا۔

صوبائی سطح پر اختیارات کی ضرورت

ان کا مزید کہنا تھا کہ ایسا نظام اب بننا چاہیے تاکہ صوبے سے تحصیل اور وارڈ کی سطح تک اختیارات جائیں، اگر یہی رہا تو پھر آخر میں وزارت دفاع کی فائر بریگیڈ ہی آگ بجھانے کے لیے آئے گی۔ پاکستان کے استحکام کے لیے اب فیصلے کرنا ہوں گے۔