پاکستان اور امریکہ کے درمیان تجارت کا حجم آٹھ ارب ڈالرسے تجاوز کرنے کا امکان ہے، امریکی ناظم الامور نیٹلی

سیالکوٹ میں امریکی ناظم الامور کا دورہ

سیالکوٹ (ڈیلی پاکستان آن لائن) امریکہ کے ناظم الامور نیٹلی بیکر نے سیالکوٹ کی کاروباری برادری سے ملاقاتیں کیں۔ اس دوران ان کا کہنا تھا کہ پاکستان اور امریکہ کے درمیان تجارتی روابط مسلسل بہتر ہو رہے ہیں۔ دوطرفہ تجارت کا حجم آٹھ ارب ڈالر سے تجاوز کرنے کا امکان ہے۔

یہ بھی پڑھیں: ورلڈ ٹریڈ سینٹر دبئی میں حفاظت اور آگ سے تحفظ کے لیے دنیا کی سب سے بڑی کاروباری نمائش، 1,400 سے زیادہ کمپنیوں کی شرکت

تجارت اور سرمایہ کاری کو مضبوط بنانے کی ضرورت

نیٹلی اے بیکر نے دورہ سیالکوٹ کے دوران دوطرفہ تجارت اور سرمایہ کاری کو مزید مضبوط بنانے پر زور دیا۔ سیالکوٹ چیمبر آف کامرس سے خطاب کرتے ہوئے انہوں نے کہا کہ امریکہ منصفانہ اور متوازن تجارت کا خواہاں ہے، جس سے خوشحالی کے مواقع پیدا ہوں گے۔

فورورڈ اسپورٹس اور سیالکوٹ انٹرنیشنل ایئرپورٹ کا دورہ

امریکی ناظم الامور نے فورورڈ اسپورٹس، ایف اے سی، سی اے اسپورٹس اور سیالکوٹ انٹرنیشنل ایئرپورٹ کا بھی دورہ کیا۔ دورے کے دوران نیٹلی اے بیکر نے ایف اے سی کی پروڈکشن کا جائزہ بھی لیا۔