اسلام آباد میں بلدیاتی انتخابات سے متعلق صدارتی آرڈیننس، التوا کیخلاف درخواست پر جواب طلب

اسلام آباد ہائیکورٹ کا فیصلہ

اسلام آباد (ڈیلی پاکستان آن لائن) اسلام آباد ہائیکورٹ نے وفاقی دارالحکومت کے بلدیاتی انتخابات سے متعلق صدارتی آرڈیننس اور التواء کے خلاف درخواست پر وفاق اور الیکشن کمیشن کو نوٹس جاری کرتے ہوئے جواب طلب کر لیا۔ عدالت نے یکساں نوعیت کی جماعت اسلامی کے کیس کے ساتھ بھی درخواست کو یکجا کر دیا۔

یہ بھی پڑھیں: کسانوں پر زرعی ٹیکس، سپیکر پنجاب اسمبلی کا برہمی کا اظہار

عدالت میں سماعت

نجی ٹی وی چینل دنیا نیوز کے مطابق، اسلام آباد ہائیکورٹ کے جسٹس محمد اعظم خان نے مرکزی مسلم لیگ کی درخواست پر سماعت کی۔ درخواست گزار انعام الرحمن کمبوہ اپنے وکیل اشفاق احمد کھرل کے ساتھ عدالت میں پیش ہوئے۔

یہ بھی پڑھیں: بانی پی ٹی آئی اور اُنکی جماعت نریندر مودی کی زبان بول رہے ہیں: بلال اظہر کیانی

وکیل کے دلائل

وکیل نے دلائل دیے کہ لوکل گورنمنٹ آرڈیننس کا صدارتی آرڈیننس چیلنج کیا گیا ہے۔ انتخابات کرانا الیکشن کمیشن کی اولین ترجیح ہونی چاہیے۔ شیڈول کا اعلان ہو چکا ہے اور کاغذات بھی جمع ہو چکے ہیں، تمام ریکوائرمنٹس پوری ہونے کے باوجود الیکشن ملتوی کر دیے گئے ہیں۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

بلدیاتی انتخابات کا التواء

درخواست گزار وکیل نے کہا کہ اسلام آباد میں چوتھی مرتبہ بلدیاتی الیکشن ملتوی کیا گیا ہے، عدالت صدارتی آرڈیننس کو کالعدم قرار دے کر اسلام آباد میں بلدیاتی الیکشن کرانے کا حکم دے۔