وزیر فوڈ سکیورٹی کا اسلام آباد میں گدھوں کے گوشت پر واضح جواب دینے سے گریز

وفاقی وزیر فوڈ سکیورٹی کی گدھوں کے گوشت کے معاملے پر خاموشی

اسلام آباد(ڈیلی پاکستان آن لائن)وفاقی وزیر فوڈ سکیورٹی رانا تنویر نے اسلام آباد میں گدھوں کے گوشت سے متعلق واضح جواب دینے سے گریز کیا۔

یہ بھی پڑھیں: صدر آذربائیجان کا پاکستان میں 2 ارب ڈالر کی سرمایہ کاری کا اعلان

قومی اسمبلی میں بحث کا آغاز

نجی ٹی وی چینل جیو نیوز کے مطابق قومی اسمبلی کے اجلاس میں گدھوں کے گوشت کے معاملے پر شازیہ صوبیہ سومرو نے سوال اٹھایا کہ "اسلام آباد میں گدھے کا گوشت کھلایا جاتا ہے، اس کو کون دیکھتا ہے؟"

یہ بھی پڑھیں: بھارت پاکستان کی وائٹ ہاؤس میں پذیرائی سے ناراض، امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے: فنانشل ٹائمز

رانا تنویر کا جواب

اس پر رانا تنویر نے واضح جواب دینے سے گریز کرتے ہوئے کہا کہ یہ معاملات صوبائی حکومت دیکھتی ہے اور پنجاب حکومت اس پر لیڈ لیتی ہے۔ انہوں نے کہا کہ پہلے پروڈکشن کے لئے فوڈ اتھارٹی پنجاب حکومت نے بنائی، گدھوں کی کھالوں اور گوشت کے زیادہ تر معاملات صوبوں سے متعلق ہیں۔ یہ سب سبجیکٹس 18 ویں ترمیم کے بعد صوبوں کو منتقل ہوگئے ہیں۔

یہ بھی پڑھیں: اسلام آباد میں مجلس وحدت المسلمین اور ملی یکجہتی کونسل کے زیر اہتمام ’’پیغمبر عشق اعظم کانفرنس‘‘، قطر پر حملے کی مذمت

مقامی حکام کی ذمہ داری

انہوں نے مزید کہا کہ اس معاملے کو نیشنل فوڈ سکیورٹی نہیں بلکہ ڈسٹرکٹ فوڈ اتھارٹیز دیکھتی ہیں، اور بعض ریسٹورینٹس منافع خوری کے لئے مردہ مرغیوں کا گوشت بھی استعمال کرتے ہیں۔

18 ویں ترمیم پر تنقید

رانا تنویر حسین نے 18 ویں ترمیم کے حوالے سے بات کرتے ہوئے کہا کہ "اگر 18 ویں ترمیم کے بعد سب اچھا ہے تو جو کراچی میں آگ لگی، پھر وہ بھی اچھا کام ہوگیا؟" انہوں نے مزید کہا کہ 18 ویں ترمیم سے متعلق بات کریں تو پھڑپھڑاہٹ شروع ہو جاتی ہے۔