اب تک کتنے ممالک ’’بورڈ آف پیس‘‘ میں شامل اور کتنے انکار کر چکے ہیں ۔۔؟ جانیے

غزہ پیس بورڈ میں شمولیت کی تازہ معلومات

مصر، ترکیہ اور دیگر ممالک غزہ پیس بورڈ میں شمولیت پر راضی، یورپی ملکوں کا انکار
متحدہ عرب امارات کے بعد ترکیہ، مصر، آذربائیجان اور اسرائیل نے بھی امریکی صدر ٹرمپ کے بورڈ آف پیس میں شمولیت کی دعوت قبول کرلی۔

یہ بھی پڑھیں: سکوئیڈ گیم اسٹار کو ہراسانی کے کیس میں بڑا ریلیف مل گیا

ممالک کی شمولیت کی تفصیلات

لاہور (خصوصی رپورٹ) اب تک کتنے ممالک ’’بورڈ آف پیس‘‘ میں شامل اور کتنے انکار کر چکے ہیں؟ اس حوالے سے اہم تفصیلات سامنے آئی ہیں۔

تازہ ترین اطلاعات کے مطابق متحدہ عرب امارات کے بعد ترکیہ، مصر، آذربائیجان اور اسرائیل نے بھی امریکی صدر ٹرمپ کے "بورڈ آف پیس" میں شمولیت کی دعوت قبول کرلی ہے جبکہ فرانس، اٹلی، سوئیڈن، اور ناروے نے بورڈ آف پیس میں شامل ہونے سے انکار کر دیا ہے۔ دوسری جانب اسرائیلی وزیراعظم نیتن یاہو بھی عالمی رہنماؤں پر مشتمل "بورڈ آف پیس" میں شامل ہوگئے ہیں۔

یہ بھی پڑھیں: وزیراعلیٰ مریم نواز کا مسجد پر اپنی تصویر لگانے کا سخت نوٹس،ڈپٹی کمشنر منڈی بہاؤالدین سے وضاحت طلب

امریکی نمائندہ خصوصی کی وضاحت

"جنگ" کے مطابق امریکی نمائندہ خصوصی اسٹیو وٹکوف کا کہنا ہے کہ 20 سے 25 عالمی رہنما "غزہ بورڈ آف پیس" میں شمولیت کی دعوت قبول کر چکے ہیں۔ ایران سے بھی رابطہ کیا تھا لیکن اب بات چیت نہیں ہو رہی۔

یہ بھی پڑھیں: پی ٹی آئی رہنما عالیہ حمزہ ڈسٹرکٹ جیل جہلم منتقل

رکنیت کی شرائط

خبر ایجنسی کے مطابق اراکین کو "بورڈ آف پیس" میں مستقل طویل مدت کی رکنیت کے لیے 1 ارب ڈالر تک ادائیگی کرنا ہوگی۔

یہ بھی پڑھیں: بنگلہ دیشی فوج نے استعفیٰ مانگا تو شیخ حسینہ واجد نے کیا جواب دیا؟ چیف پراسیکیوٹر محمد تاج الاسلام نے تفصیلات شیئر کردیں۔

مصر کی حمایت کا اعلان

مصری وزارت خارجہ کی جانب سے جاری بیان میں صدر ٹرمپ کی مشرق وسطیٰ کی پالیسیوں کی تعریف کرتے ہوئے کہا گیا ہے کہ مصر "بورڈ آف پیس" میں شمولیت کی دعوت کو قبول کرنے اور متعلقہ قانونی اور آئینی طریقہ کار کو پورا کرنے کے عزم کا اعلان کرتا ہے۔

یہ بھی پڑھیں: الجیریا کی خاتون باکسر ایمان خلیف مرد نکلی ، میڈیکل رپورٹ میں انکشاف

غزہ تنازع کے خاتمے کے لیے حمایت

جاری بیان میں غزہ تنازع کے خاتمے کے لیے جامع منصوبے کے دوسرے مرحلے کے لیے "بورڈ آف پیس" کے مشن کے لیے بھی حمایت کا اظہار کیا گیا۔

یورپی ممالک کا موقف

سوئیڈن اور ناروے نے امریکی صدر ٹرمپ کے منصوبے اور "بورڈ آف پیس" میں شامل نہ ہونے کا فیصلہ کیا ہے۔ سوئیڈن کا کہنا ہے کہ صدر ٹرمپ کے "بورڈ آف پیس" کے اقدام میں اب تک پیش کیے گئے مسودے کے ساتھ شرکت نہیں کریں گے۔

ناروے کا بھی کہنا ہے کہ وہ "بورڈ آف پیس" میں شامل نہیں ہوگا، مجوزہ بورڈ آف پیس کے نکات پر امریکہ کے ساتھ مزید بات چیت درکار ہے۔