بابراعظم کا بگ بیش لیگ میں سفر ختم، سابق کپتان نے بیان بھی جاری کردیا

لاہور(ڈیلی پاکستان آن لائن) قومی ٹیم کے سابق کپتان بابر اعظم کا بگ بیش لیگ میں سفر ختم ہو گیا۔

بگ بیش لیگ کی ٹیم سڈنی سکسرز نے بابر اعظم کے باقی میچز کے لیے عدم دستیابی کا اعلان کر دیا۔

سڈنی سکسرز نے سوشل میڈیا پر جاری بیان میں کہا کہ بابر اعظم کو فوری طور پر پاکستان ٹیم کے کیمپ کے لیے طلب کیا گیا ہے، بابر کو اگلی اسائنمنٹس کے لیے لگائے جانے والے کیمپ کے لیے واپس بلایا گیا ہے۔

سڈنی سکسرز کا بیان

Thank you, Babar

Babar Azam has been recalled to join Pakistan’s national camp ahead of upcoming international fixtures.

He will be unavailable for the remainder of the BBL|15 Finals Series.

More info at https://t.co/XFOTpJiF9I pic.twitter.com/EOaLKZlLG0

— Sydney Sixers (@SixersBBL) January 22, 2026

ٹوئٹ میں سڈنی سکسرز کی جانب سے کہا گیا کہ بابر اعظم اب بی بی ایل کے بقیہ فائنلز سیریز کے میچز کے لیے دستیاب نہیں ہوں گے۔ اس کے علاوہ سڈنی سکسرز نے بی بی ایل میں شرکت پر بابر اعظم کا شکریہ بھی ادا کیا۔

بابر اعظم کا ویڈیو بیان

بابر اعظم کا بیان:

دوسری جانب بابر اعظم نے اپنے ویڈیو پیغام میں کہا کہ میں سڈنی سکسرز کوچز اور کھلاڑیوں کا شکریہ ادا کرتا ہوں، میں یہاں بہت لطف اندوز ہوا ہوں، بدقسمتی سے مجھے ٹیم چھوڑنا پڑ رہی ہے۔

A message from Babar before he heads back to Pakistan to join his national teammates in camp ???? pic.twitter.com/0vO0Nuokzw

— Sydney Sixers (@SixersBBL) January 22, 2026

قومی کھلاڑی نے کہا کہ نیشنل ڈیوٹی کی وجہ سے مجھے ٹیم چھوڑنا پڑی ہے، میں اچھی یادوں کے ساتھ واپس جا رہا ہوں، سڈنی سکسرز کے فینز کا شکریہ، انہوں نے میری حمایت کی۔

آئندہ میچز کی صورتحال

واضح رہے کہ سڈنی سکسرز کا کل چیلنجر فائنل ہوبارٹ ہیوریکینز کے ساتھ شیڈولڈ ہے، چیلنجر جیتنے والی ٹیم بی بی ایل کے فائنل میں اتوار کو پرتھ اسکارچرز سے مقابلہ کرے گی۔