وزیر اطلاعات پنجاب عظمیٰ بخاری نے معین قریشی کے خلاف ہتکِ عزت کا کیس دائر کر دیا

عظمیٰ بخاری کا ہتکِ عزت کا مقدمہ

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے اپوزیشن لیڈر پنجاب اسمبلی معین قریشی کے خلاف پہلا ہتکِ عزت کا کیس دائر کردیا۔

یہ بھی پڑھیں: پشاور میں جھگڑکے کے دوران ہونے والی فائرنگ کی زد میں آکر ٹیوشن جانے والا بچہ جاں بحق

قانونی کاروائی کی تفصیلات

نجی ٹی وی چینل دنیا نیوز کے مطابق معین قریشی کے خلاف ہتک عزت کا کیس پنجاب ڈیفیمیشن ایکٹ 2024 کے تحت درخواست دائر کیا گیا۔ عظمیٰ بخاری کی جانب سے معین ریاض قریشی کے خلاف 8 کروڑ 40 لاکھ روپے ہرجانے کا دعویٰ بھی کیا گیا ہے۔

یہ بھی پڑھیں: نیپرا نے کے الیکٹرک کا اوسط ٹیرف 39روپے 47پیسے مقرر کردیا

شواہد کی فراہمی

درخواست میں ویڈیو، سکرین ریکارڈنگ اور ٹرانسکرپٹس بطور شواہد عدالت میں جمع کروا دئیے گئے ہیں۔ ڈیفیمیشن درخواست میں عام، تعزیری اور خصوصی ہرجانے کی تفصیلات بھی شامل کر دی گئی ہیں۔

یہ بھی پڑھیں: وہ چیز جسے بند کرنے کیلئے وزارت داخلہ نے پی ٹی اے کو خط لکھ دیا

نجی ٹی وی کے پروگرام میں بیان

نجی ٹی وی کے پروگرام میں دیے گئے بیان پر عظمیٰ بخاری نے قانونی کارروائی کا فیصلہ کیا۔ وزیر اطلاعات پنجاب کے خلاف جھوٹے اور ہتک آمیز بیان پر ڈیفیمیشن ٹریبونل لاہور میں کیس دائر کیا گیا ہے۔

یہ بھی پڑھیں: ٹی ٹوئنٹی ورلڈکپ 2026 کا پُرامن اور محفوظ اختتام یقینی بنایا جائے گا،آئی سی سی

الزامات کی وضاحت

درخواست میں عظمیٰ بخاری نے موقف اپنایا کہ مجھ سے منسوب 150/200 پیڈ افراد کو اسمبلی میں داخل کروانے کا الزام بے بنیاد اور من گھڑت ہے۔ متنازع بیان ٹی وی اور سوشل میڈیا پر نشر ہوا، جس کو لاکھوں افراد نے دیکھا ہے۔ انہوں نے نجی ٹی وی ٹاک شو اور پی ٹی آئی کے آفیشل اکاؤنٹ پر شائع بیان کو ہتکِ عزت قرار دیا ہے۔ جھوٹے الزامات سے عزت، وقار اور ساکھ کو شدید نقصان پہنچا ہے۔

یہ بھی پڑھیں: کیپٹن صفدر کا بیٹے کی شادی پر مریم نواز کے ساتھ تصویر نہ بنوانے کے سوال پر دلچسپ جواب

بدنیتی اور عوامی مفاد

درخواست میں مزید بتایا گیا کہ الزام بدنیتی، عناد اور غیر ذمہ دارانہ رویے کا مظہر ہے۔ عوامی شخصیات کی ساکھ کو جھوٹے الزامات سے نقصان پہنچانا عوامی مفاد کے خلاف ہے۔