گورنر سندھ کا سانحۂ گل پلازہ کی جوڈیشل انکوائری کا مطالبہ، چیف جسٹس سپریم کورٹ کو خط لکھنے کا اعلان
گورنر سندھ کی شدید تنقید
کراچی (آئی این پی ) گورنر سندھ کامران خان ٹیسوری نے سانحۂ گل پلازہ پر حکومت کو کڑی تنقید کا نشانہ بناتے ہوئے سانحے کی جوڈیشل انکوائری کا مطالبہ کیا ہے۔
یہ بھی پڑھیں: وزیراعظم شہباز شریف سے بنگلہ دیش کے چیف ایڈوائزر پروفیسر محمد یونس کی ملاقات، دو طرفہ تعلقات کو مزید بہتر اور مضبوط بنانے پر تبادلہ خیال
سانحے کی فوری صورت حال
کراچی میں پریس کانفرنس کرتے ہوئے گورنر سندھ کامران ٹیسوری نے کہا کہ آگ 2 گھنٹے بعد نہیں بجھائی جاتی، فوری اقدام ہوتا ہے۔ گورنر سندھ بولے کہ انہوں نے 2 گھنٹے بعد ہی گل پلازہ پہنچ کر لوگوں کے زخموں پر مرہم رکھا، ریسکیو اداروں کو بلایا، پانی منگوایا، ٹریفک کھلوائی۔ یہ نہیں چلے گا کہ گورنر ریسکیو کے لیے گیا تو اسی پر الزام لگادو کہ وہ کیوں گیا۔ جن کی ذمہ داری تھی وہ گل پلازہ پر موجود ہی نہیں تھے، بتایا جائے یہ خون کس کے ہاتھ پر ہے؟
یہ بھی پڑھیں: سابق برطانوی وزیراعظم نے نیتن یاہو پر سنگین الزام لگاتے ہوئے باتھ روم جانے کی کہانی مشترک کی!
مخالفین کے لئے پیغام
گورنر سندھ نے مخالفین کو مخاطب کرتے ہوئے کہا کہ سیاست کرنے والوں، کراچی کے لوگوں کے دلوں میں نفرت آ چکی ہے، بے حسی کی انتہا ہے لیکن کسی کے کان پر جوں تک نہیں رینگ رہی۔ انہوں نے مطالبہ کیا کہ ذمہ داروں کا تعین کرکے فوری سزا دی جائے۔
یہ بھی پڑھیں: پی ٹی آئی کو مخصوص نشستوں کے فیصلے پر عملدرآمد کی درخواست پر نوٹس جاری
جوڈیشل انکوائری کا مطالبہ
گورنر سندھ نے سانحے کی جوڈیشل انکوائری کا مطالبہ کرتے ہوئے سندھ ہائیکورٹ اور سپریم کورٹ کے چیف جسٹس کو خط لکھنے اور خود کو بھی کمیشن میں پیش کرنے کا اعلان کردیا۔ گورنر سندھ نے کہا کہ وزیراعلیٰ سندھ سے کہتا ہوں شاید آپ کو صحیح بات نہیں بتائی جا رہی، انہوں نے سوال کیا کہ مشینری صحیح کام کیوں نہیں کر رہی؟ وہاں جس کا باپ مارا گیا اس کے بیٹے پر لاٹھی چارج کیوں کیا جا رہا ہے؟
یہ بھی پڑھیں: کمار سانو نے ذہنی، جسمانی تشدد کیا، مجھے دوران حمل بھوکا رکھا اور بچوں کے لیے بھی دودھ بند کر دیا تھا، سابق اہلیہ نے سنگین الزام عائدکردیے۔
سیاسی الزام تراشی سے گریز
گورنر سندھ نے کہا کہ سیاسی الزام تراشی نہیں ہونے دوں گا، یہ فائل بند نہیں ہوگی، کوئی سیاست کرے گا تو سب کا کچہ چٹھ کھول دوں گا۔ اگلی پریس کانفرنس میں بہت کچھ بتاؤں گا، جو غم اور غصہ ہے، وہ صبر ختم کردوں گا اور حقیقت بتا دوں گا۔
یہ بھی پڑھیں: پشاور ہائیکورٹ؛ وکلاء خود فیصلے نہیں مانیں گے تو دوسروں سے کیسے منوائیں گے، جج کے ریمارکس
انتظامیہ کی غفلت اور انصاف کی طلب
گورنر سندھ نے کہا کہ وہ انتظامیہ کی مجرمانہ غفلت پر پردہ ڈالنے نہیں دیں گے۔ انہوں نے کہا کہ وہ فیلڈ مارشل سے کہیں گے کہ کراچی آپ کا منتظر ہے، دیکھیں یہاں کس نے زیادتی کی ہے۔ صدر آصف زرداری، بلاول بھٹو اور آصفہ بھٹو زرداری لواحقین کو انصاف دلواسکتے ہیں۔
لواحقین کے لئے مالی امداد
گورنر سندھ کامران ٹیسوری نے سانحۂ گل پلازہ میں جاں بحق افراد کے لواحقین کو ایک ایک پلاٹ دینے کا بھی اعلان کیا۔
