ماں کا کوئی نعم البدل نہیں، عظمٰی بخاری کا بلال بھٹی کی والدہ کے انتقال پر اظہارِ تعزیت

وزیر اطلاعات کا اظہار رنج و غم

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے وزارتِ اطلاعات کے آفیسر بلال بھٹی کی والدہ کے انتقال پر گہرے رنج و غم اور دلی افسوس کا اظہار کیا ہے۔

یہ بھی پڑھیں: بھارت یک طرفہ طور پر سندھ طاس معاہدے کو نہ معطل کرسکتا ہے اور نہ اس سے نکل سکتا ہے، شہباز شریف

ماں کا انتقال: ایک ناقابلِ تلافی نقصان

اپنے تعزیتی بیان میں عظمٰی بخاری نے کہا کہ والدہ کا انتقال ایک بہت بڑا دلی صدمہ ہے جس کا دکھ الفاظ میں بیان نہیں کیا جا سکتا۔ ماں وہ واحد ہستی ہے جس کا کوئی متبادل نہیں، اور ماں کے سائے کا سر سے اٹھ جانا ایک ناقابلِ تلافی نقصان ہے۔

یہ بھی پڑھیں: حلقہ پی پی 139 شیخوپورہ میں ضمنی انتخابات کیلئے پولنگ کا آغاز

بلال بھٹی اور خاندان سے ہمدردی

وزیر اطلاعات و ثقافت پنجاب نے بلال بھٹی اور ان کے اہلِ خانہ سے دلی ہمدردی کا اظہار کرتے ہوئے کہا کہ وہ اس مشکل اور کٹھن گھڑی میں غمزدہ خاندان کے دکھ میں برابر کی شریک ہیں۔

مرحومہ کے درجات کی بلندی کی دعا

عظمٰی بخاری نے مرحومہ کے درجات کی بلندی اور لواحقین کے لیے صبرِ جمیل کی دعا کرتے ہوئے کہا کہ اللہ تعالیٰ اہلِ خانہ کو یہ عظیم صدمہ برداشت کرنے کی ہمت اور حوصلہ عطا فرمائے۔