شناختی کارڈ کہاں اور کب استعمال ہوا، شہریوں کو فراڈ سے بچانے کے لیے نادرا نے ایپلی کیشن متعارف کرا دی

نادرا کی نئی ایپ کی رونمائی

اسلام آباد(ڈیلی پاکستان آن لائن) نادرا نے شناختی کارڈ ڈیٹا مانیٹرنگ ایپ متعارف کرا دی ہے، جس کا مقصد شہریوں کو اپنے شناختی ڈیٹا کے استعمال پر خود نگرانی کرنے کی سہولت فراہم کرنا ہے۔

یہ بھی پڑھیں: پاکستان کی لولی لنگڑی جمہوریت کا جنازہ نکل رہا ہے، یہ آئینی ترمیم نہیں بلکہ آئین کو ختم کرنے کے مترادف ہے، ایمان مزاری

شناختی ڈیٹا کے تحفظ کا اقدام

یہ ایپ شہریوں کو یہ جاننے کی اجازت دے گی کہ ان کا شناختی ڈیٹا کہاں اور کس مقصد کے لیے استعمال ہو رہا ہے۔ نادرا ایپ پر ڈیٹا ویری فکیشن کی مکمل تاریخ بھی دستیاب ہوگی، جس میں اس بات کی تفصیل ہوگی کہ کس ادارے نے، کب اور کس نوعیت کی تصدیق کی۔

غلط استعمال کی روک تھام

حکام کے مطابق، اس اقدام کے ذریعے شہریوں کے شناختی ڈیٹا کے غلط استعمال پر مؤثر چیک اینڈ بیلنس ممکن ہوگا، جبکہ ڈیٹا لیک اور غیر قانونی تصدیق کو روکنے میں بھی مدد ملے گی۔ نادرا ایپ کے ذریعے پرائیویسی اور ڈیٹا سیکیورٹی میں اضافہ ہو گا، اور سائبر کرائم و جعلی تصدیقی کیسز کی حوصلہ شکنی کی جا سکے گی۔