سعودی شہزادے فیصل بن ترکی کا انتقال، مسجد الحرام میں نماز جنازہ ادا
شہزادہ فیصل بن ترکی کا انتقال
جدہ (ڈیلی پاکستان آن لائن) شہزادہ فیصل بن ترکی مکہ مکرمہ میں قضائے الہی سے انتقال کرگئے۔
یہ بھی پڑھیں: پاکستان انویسٹرز فورم کے نومنتخب عہدیداران کے اعزاز میں چوہدری افتخار احمد چیمہ کا پرتکلف عشائیہ
انتقال کی تصدیق
عرب میڈیا کے مطابق سعودی ایوانِ شاہی سے جاری بیان میں کہا گیا ہے کہ شہزادہ فیصل بن ترکی کا انتقال گزشتہ روز ہوا تھا۔
یہ بھی پڑھیں: سوات: سیاحوں کی ہلاکت کے بعد ایک اور دریائی مقام پر مزید شہری پھنس گئے
نماز جنازہ
اُن کی نمازِ جنازہ مسجد الحرام میں ادا کی گئی، جس میں شاہی خاندان، اعلیٰ حکام، علما اور دیگر شخصیات نے شرکت کی۔
شہزادہ فیصل بن ترکی کی نماز جنازہ مکہ مکرمہ کے نائب گورنر شہزادہ سعود بن مشعل بن عبدالعزیز نے پڑھائی۔
یہ بھی پڑھیں: جرمنی کا افغان پناہ گزین پروگرام فوری ختم کرنے کا اعلان
دعائیہ بیان
سعودی ایوانِ شاہی کے بیان میں شہزادہ فیصل بن ترکی کے لیے دعائے مغفرت اور درجات کی بلندی کی دعا کی اپیل کی گئی ہے۔
یہ بھی پڑھیں: مذاکرات کی راہ میں اصل رکاوٹ خود بانی پی ٹی آئی ہیں، رانا ثنا اللہ
ان کی خدمات
مرحوم فیصل بن ترکی ایک جہاندیدہ شخصیت تھے جو فلاحی کاموں میں بڑھ چڑھ کر حصہ لیا کرتے تھے۔ وہ شاہی خاندان اور عوام میں یکساں مقبول تھے۔
تعزیتی پیغامات
قطر کے امیر شیخ تمیم بن حمد آل ثانی نے سعودی عرب کے فرمانروا اور خادمِ حرمین شریفین شاہ سلمان بن عبدالعزیز آل سعود کو شہزادہ فیصل بن ترکی بن عبداللہ آل سعود بن فیصل آل سعود کے انتقال پر تعزیتی پیغام ارسال کیا ہے۔
اسی طرح قطر کے نائب امیر شیخ عبداللہ بن حمد آل ثانی اور وزیرِاعظم و وزیرِ خارجہ شیخ محمد بن عبدالرحمن بن جاسم آل ثانی نے بھی شاہ سلمان کو الگ الگ تعزیتی مراسلے بھیجے اور دکھ کا اظہار کیا۔
